Fréttablaðið - 17.03.2023, Blaðsíða 22
Samsetning fermingarhlað-
borða hefur tekið miklum
breytingum gegnum árin.
Nú þarf að taka tillit til ólíkra
þarfa gesta, meðal annars
grænkera.
starri@frettabladid.is
Sífellt fleiri hafa tekið þá ákvörðun
að neyta ekki dýraafurða. Því er
nauðsynlegt að huga að þeim hópi
við skipulagningu fermingarveisl-
unnar. „Hægt er að búa til vegan
útgáfu af öllum dæmigerðum
veisluréttum og kökum en hins
vegar þurfa veitingar alls ekki að
vera hefðbundnar,“ segir Þórdís
Ólöf Sigurjónsdóttir sem hefur
verið grænkeri síðan 2016. Hún
heldur úti vinsæla matarblogginu
Graenkerar.is auk samnefndrar
Instagram-síðu. „Fyrir mér eru
heppilegar veitingar einmitt eitt-
hvað sem kemur á óvart. Hvernig
væri að hafa veislutjald í garðinum
og grilla? Það mætti elda spínat-
lasagna eða sleppa marengs- eða
ístertunni og prófa í staðinn ferska
hráköku.“
Hún neitar því ekki að úrval á
hlaðborðum hafi minnkað eftir
að hún gerðist vegan. „Ég kann þó
alltaf ótrúlega vel að meta súrdeigs-
brauð, hummus og vegan pestó,
fersk ber, ávexti og einhverja góða
vegan köku þegar ég sæki til dæmis
fermingarveislur.“
Uppskriftasíðan Grænkerar er
á sínu fimmta ári og segist Þórdís
alltaf jafn glöð yfir því að hafa
látið þennan draum rætast. „Frá
því ég stofnaði síðuna hef ég lokið
tveimur háskólagráðum, eignast
tvö börn og nú nýlega byrjað í ótrú-
lega spennandi starfi.“ Hún hefur
þar af leiðandi þurft að sætta sig við
að geta ekki eytt eins miklum tíma
í hana og hún hefði viljað. „Mark-
mið mitt er þó alltaf það sama og ég
hef jafnmikla trú á því og í upphafi:
að sýna fólki
Grænkerafæði getur vel verið sælkerafæði
Hægt er að
búa til vegan
útgáfu af öllum
dæmigerðum
veisluréttum
og kökum,
segir Þórdís
Ólöf Sigurjóns-
dóttir sem hefur
verið grænkeri
síðan 2016.
Hún heldur úti
matarblogginu
Graenkerar.is
auk samnefndr-
ar Instagram-
síðu.
MYNDIR/AÐSENDAR
Mexíkóskar vefjur eru sívinsælar á hlaðborðum.
Karamelluostakaka sem
bráðnar í munni. Hér hefur
söxuðum pekanhnetum
verið stráð yfir.
hvað það er auðvelt og skemmtilegt
að elda vegan mat og að grænkerar
geti vel verið sælkerar.“
Hér gefur Þórdís lesendum
nokkrar ljúffengar vegan upp-
skriftir fyrir fermingarhlaðborðið.
Mexíkóskar vefjur
1 dós vegan rjómaostur, t.d. Oatly
1 dós vegan sýrður rjómi, t.d. Oatly
8 cm púrrulaukur
2-3 litríkar paprikur
2 avókadó
1 dós svartbaunir, skola vel
2 dl gular baunir, skola vel
1 tsk. sítrónusafi
1 lúka ferskt kóríander
Salt og pipar , einnig getur
verið gott að setja örlítið af
mexíkóskri kryddblöndu
6 tortillavefjur
Byrjið á því að skera púrrulauk,
paprikur og avókadó smátt niður.
Skolið næst svartbaunirnar og gulu
baunirnar í sigti. Blandið öllum
hráefnunum saman í stóra skál og
smakkið til með kryddum.
Smyrjið blöndunni á tortillakök-
urnar og rúllið upp í vefjur. Setjið
vefjurnar í lokað fat og geymið í
ísskáp yfir nótt. Skerið þær niður
í um 2 cm þykkar sneiðar daginn
eftir og raðið á stóran disk. Sniðugt
er að stilla þeim upp á rönd og
stinga tannstöngli í bitana.
Glútenlaus súkkulaðikaka
með saltkaramellukremi
nægir í 3 litla botna, 2 stóra eða
ofnskúffu
4 dl kasjúhnetur
4 dl vatn
½ dl. eplaedik
4 dl plöntumjólk
4 dl glútenlaust hveiti
2 tsk. xanthum gum
2 dl sykur, ég nota hrásykur eða
kókospálmasykur
3 dl kakóduft
1,5 tsk. lyftiduft
1 tsk. matarsódi
1½ dl bragðlaus olía
½ dl espressó
1 msk. vanilludropar
½ tsk. salt
Stillið ofninn á 175°, yfir- og undir-
hita. Skolið kasjúhneturnar vel og
leggið í bleyti í 10-20 mínútur.
Sigtið næst vatnið frá kasjú-
hnetunum og setjið þær í blandara
ásamt 4 dl af köldu vatni. Hrærið
eplaedikinu saman við með sleif
og leyfið blöndunni að bíða. Næst
er þurrefnunum hrært saman í
stórri skál. Blandið kasjúhnetu-
blöndunni, plöntumjólk, espressó,
olíu og vanilludropum saman
og hellið út á þurrefnablönduna
í skömmtum og hrærið. Smyrjið
kökuform með olíu og leggið
smjörpappír í botninn. Dreifið
deiginu jafnt á milli formanna (ég
notaði 3 kökuform og setti um 530
g af deigi í hvert form). Bakið í 25-30
mínútur (fer þó eftir stærð forma
sem er notuð). Gott er að nota
grillpinna til að stinga í kökuna
eftir 25 mínútur til að athuga hvort
hún sé bökuð í gegn.
Saltkaramella
400 ml. feit kókosmjólk í dós eða
vegan rjómi
2 dl sykur, ég nota hrásykur eða
kókospálmasykur
2 tsk. vanilludropar
1 tsk. salt
Setjið rjóma/kókosmjólk og sykur
í pott eða pönnu og hitið að suðu.
Látið karamelluna sjóða í um
15-20 mínútur. Hrærið reglulega
í þar til hún hefur þykknað og er
ljós-gullinbrún. Athugið að ef þið
notið kókospálmasykur verður
hún dekkri á litinn. Næst er salti
og vanilludropum bætt saman við
og karamellunni leyft að kólna við
stofuhita.
Saltkaramellukrem
400 g vegan smjör
800 g flórsykur
2 tsk. vanilludropar
2 dl saltkaramella við stofuhita,
eða eftir smekk
Þeytið vegan smjör í hrærivél þar
til það verður létt og ljóst. Bætið
flórsykrinum saman við og því
næst saltkaramellunni og vanillu-
dropum.
Samsetning
Þegar kökubotnarnir eru bakaðir
er best að leyfa þeim að kólna við
stofuhita. Leggið einn köku-
botn á kökudisk og smyrjið 1/3 af
kreminu á hann. Bætið næsta botni
ofan á og 1/3 af kreminu. Leggið
því næst seinasta botninn
ofan á og skerið ofan af
grillpinna og stingið
í gegnum kökuna í
miðjunni svo kakan
fari ekki að halla. Bætið
restinni af kreminu
ofan á kökuna og notið
spaða til að slétta hliðarnar.
Karamelluostakaka
1 dl pekan-
hnetur
2 dl möndlur
6 ferskar
döðlur, muna að taka steinana úr
2 tsk. kókosolía, bragð- og lyktar-
laus
Salt
Setjið hneturnar í matvinnsluvél
og blandið þar til þær eru fín-
malaðar. Bætið næst döðlum,
kókosolíu og salti út í og blandið
þar til deigið festist saman. Leggið
smjörpappír í botninn á hringlaga
smelluformi. Þrýstið deiginu vel
niður í formið svo það þeki allan
botninn. Geymið botninn í kæli
meðan fyllingin er útbúin.
Fylling
3 dl kasjúhnetur
8 ferskar döðlur, muna að taka
steinana úr
½ dl hlynsýróp, má vera minna
ef vill
1 dl kókosolía
1 dl rjómaostur, t.d. Oatly smur-
osturinn
2 dl kókosmjólk í dós, þykki
hlutinn
1 tsk. vanilludropar
1 tsk. sítrónusafi
salt
3 dl vatn
1 tsk. agar-agar-duft
Kælið kókosmjólkina en þá skilur
hún sig og þykki hlutinn situr efst
en þunnkenndur vökvi neðst.
Setjið næst vatn og agar-agar-
duft í pott og hitið að suðu. Setjið
hin hráefnin í matvinnsluvél og
blandið þar til silkimjúkt. Þetta
getur tekið nokkrar mínútur.
Hellið næst agar-agar-blöndunni
út í og blandið áfram í smástund.
Hellið fyllingunni yfir botninn og
geymið í kæli meðan karamellu-
kremið er útbúið.
Karamellukrem
½ dl hlynsíróp
½ dl kókossykur eða hrásykur
½ dl kókosolía
1½ dl kókosmjólk í dós, þykki
hlutinn
1 tsk. vanilludropar
Salt
Setjið öll hráefnin í pott og sjóðið
í um 10-15 mínútur þar til kara-
mellan hefur dökknað og þykknað.
Gott er að setja örlítið af karamell-
unni í glas og í frysti til að athuga
hversu stíf hún er orðin. Smyrjið
karamellukreminu yfir fyllinguna
og skreytið að vild, ég notaði sax-
aðar pekanhnetur. n
Glútenlaus súkkulaðikaka með
saltkaramellukremi, skreytt með
bláberjum og brómberjum.
Skartgripur með táknræna merkingu, seldur til
styrktar blindum og sjónskertum á Íslandi.
Íslenskt handverk. Fæst um land allt.
Þríkrossinn
Stuðningur til sjálfstæðis
10 kynningarblað 17. mars 2023 FÖSTUDAGURFERMINGAR