Skessuhorn - 09.11.2022, Side 10

MIÐVIKUDAGUR 9. NÓVEMBER 202210
Íslensku menntaverðlaunin voru
afhent við hátíðlega athöfn á Bessa-
stöðum í síðustu viku. Markmið
verðlaunanna er sem fyrr að vekja
athygli á og hefja til vegs í samfé-
laginu það metnaðarfulla og vand-
aða starf sem unnið er með börnum
og ungmennum á öllum skóla-
stigum í landinu. Verðlaunin voru
veitt í fjórum flokkum, auk hvatn-
ingarverðlauna.
Verðlaun fyrir framúrskar-
andi skólastarf eða menntaumb-
ætur hlaut Leikskólinn Rauðhóll í
Reykavík fyrir fagmennsku og gæði
í leikskólastarfi og öflugt þróunar-
starf. Verðlaun sem framúrskarandi
kennari hlaut Elísabet Ragnarsdóttir
leikskólakennari og aðstoðarleik-
skólastjóri við leikskólann Heiðar-
borg í Reykjavík fyrir einstaka fag-
mennsku við leikskólakennslu.
Verðlaun fyrir framúrskarandi þró-
unarverkefni hlaut þróunarverk-
efnið Átthagafræði í Grunnskóla
Snæfellsbæjar en það beinist að því
að efla jákvæð og virk tengsl skóla
og samfélags, þekkingu nemenda
á heimabyggð sinni og auka fjöl-
breytni í námi. Verðlaun fyrir fram-
úrskarandi iðn- eða verkmenntun
fékk Tækniskólinn fyrir átaksverk-
efnið #kvennastarf sem unnið hefur
verið á hans vegum í samvinnu við
aðra iðn- og verkmenntaskóla og
beinst hefur að því að vekja athygli
á fjölbreyttum störfum í iðn-,
tækni- og verkgreinum og benda
á þann kynjamun sem hefur við-
gengist í sumum starfsstéttum. Loks
voru hvatningarverðlaun Íslensku
menntaverðlaunanna 2022 veitt
Menntaskóla Borgarfjarðar fyrir
framsækna endurskoðun á námskrá
með það að leiðarljósi að búa nem-
endur sem best undir áskoranir í lífi
og starfi í nútíð og framtíð.
Loks má við þetta bæta að leik-
skólinn Akrasel á Akranesi var til-
nefndur til íslensku menntaverð-
launanna í flokki framúrskarandi
skólastarfs eða menntunarumbóta.
Akrasel var tilnefndur fyrir mark-
vissa, skapandi og faglega vinnu
við umhverfismennt og öfluga þró-
unarvinnu en skólinn hefur frá
stofnun 2008 haft umhverfismennt
og sjálfbærni að leiðarljósi. Skólinn
vinnur á virkan hátt eftir hug-
myndafræði um flæði, umhverfis-
mennt og heilsueflandi leikskóla.
mm
Meðal þeirra verkefna sem tilnefnd
höfðu verið til verðlauna í flokknum
framúrskarandi þróunarverkefni
var átthagafræðikennsla í Grunn-
skóla Snæfellsbæjar. Skemmst er
frá því að segja að skólinn hlaut
verðlaunin í þeim flokki að þessu
sinni. Fulltrúar Grunnskóla Snæ-
fellsbæjar sem tóku við verðlaunum
úr hendi Guðna Th. Jóhannessonar
forseta Íslands voru þau Hilmar
Már Arason skólastjóri og Vil-
borg Lilja Stefánsdóttir ásamt átt-
hagafræðiteymi skólans og þremur
nemendum sem voru fulltrúar skól-
ans.
Stubbalækjarvirkjun
ruddi brautina
Ljóst er að þessi verðlaun eru
mikil viðurkenning fyrir Grunn-
skóla Snæfellsbæjar og þá áherslu
sem búið er að leggja á kennslu
í átthagafræði allt frá árinu 2009
þegar formlega var lagður grunnur
að náminu með nýrri skólastefnu.
Hilmar Már Arason skólastjóri
segir í samtali við Skessuhorn að
raunverulegt upphaf verkefnis-
ins megi ef til vill rekja enn lengra
aftur, eða til ársins 2003 þegar
Stubbalækjarvirkjun við Lýsuhól
hafi verið gerð. Fyrir það verkefni
voru Haukur Þórðarson og nem-
endur hans útnefndir Varðliðar
umhverfisins. Árið 2009 höfðu
skólar í sveitarfélaginu verið sam-
einaðir og kviknaði þá áhugi meðal
starfsfólks Grunnskóla Snæfells-
bæjar fyrir aukinni áherslu á nám
nemenda um heimabyggð sína. Í
framhaldinu var skipuð nefnd sem
vann að því að innleiða námsgrein-
ina átthagafræði í grunnskólanum
og verkefninu var formlega ýtt úr
vör.
Mikill heiður
Hilmar Már skólastjóri segist að
vonum vera afar stoltur af þessari
vikurkenningu. „Þetta er mik-
ill heiður fyrir skólann og í raun-
inni allt samfélag okkar, því það
eru allir þátttakendur í þessu verk-
efni. Átthagafræðiteymið er hópur
kennara sem skipuleggur og fylgir
verkefninu eftir. En það er einnig
allt starfsfólk skólans, nemendur,
sveitarfélagið, fyrirtæki og stofn-
anir einnig. Það er mikils um vert
að börnunum finnst þetta gaman,
þau finna að samhliða átthaga-
fræðinni fá þau aukna fjölbreytni í
nám og útivist. Það hafa að minnsta
kosti þrjár mastersritgerðir verið
skrifaðar um þetta nám hjá okkur,“
segir Hilmar Már og áréttar að
verk efnið sé í sífelldri þróun. „Í
raun er verið að kenna einhverja
átthagafræði í öllum skólum lands-
ins. Við höfum hins vegar verið að
gera þetta með markvissari hætti og
erum með sér námskrá í átthaga-
fræði. Nú að undanförnu höfum
við verið að fara í aukið samstarf
við Þjóðgarðinn og það eru vissu-
lega sóknarfæri fyrir okkur að nú
er verið að taka í notkun nýja þjóð-
garðsmiðstöð á Hellissandi. Þá eru
einnig aukin sóknarfæri í þessu
námi okkar með aukinni ferðaþjón-
ustu á svæðinu. Við erum aftur að
fara í ferðir á jökulinn, Láki tours
hefur stutt okkur með siglingum,
hellaskoðunarferðir eru farnar,
skógrækt stunduð, birkifræsöfnun
og sitthvað fleira sem allt er hluti af
námskrá sem er í sífelldri þróun,“
segir Hilmar Már.
„Í raun er það því allt samfé-
lagið hér í Snæfellsbæ sem er að
hljóta þessa viðurkenningu. Átt-
hagafræðinámið er að draga fram
það jákvæða í samfélaginu okkar
og opnar augu nemenda fyrir þeim
tækifærum sem eru á Snæfellsnesi
öllu,“ segir skólastjórinn.
Fræðsla um
grenndarsamfélagið
„Ákveðið var að námið gæfi
möguleika á uppbroti hefðbundins
náms, með sérstaka áherslu á upp-
lifun sem lykilþátt í náminu,“ segir
á heimasíðu verkefnisins. „Haustið
2009 fékk skólinn styrk úr Vonar-
sjóði til að búa til námskrá í átt-
hagafræði og tilraunaútgáfa kom
út í janúar 2010. Átthagafræði
er fræðsla um grenndarsamfé-
lagið þar sem lykilþættir eru nátt-
úra, umhverfi og saga bæjarfélags-
ins. Námsgreinin snýst ekki síður
um að nemendur kynnist samfé-
lagi nútímans og þeim möguleikum
sem þar búa til framtíðar. Í átthaga-
fræði er áhersla lögð á vettvangs-
ferðir, upplifun, kynningar, við-
töl, miðlun, tjáningu og sköpun.
Lögð er áhersla á að nemendur
upplifi eigið samfélag en á þann
hátt er stuðlað að jákvæðum sam-
skiptum og samstarfi við einstak-
linga, félagasamtök, fyrirtæki og
stofnanir í Snæfellsbæ. Með þessu
móti byggir Grunnskóli Snæfells-
bæjar upp virk tengsl við nærsam-
félagið og tengir nám nemenda
veruleikanum í bæjarfélaginu og
eykur um leið fjölbreytni í námi,“
segir í námslýsingu.
Markmið með átthagafræðslunni
er að við lok grunnskólagöngu hafi
námið skilað nemendum góðri
þekkingu á heimabyggð sinni og
kennt þeim vinnubrögð sem munu
nýtast þeim vel í framtíðinni, hvort
sem er í frekara námi eða þátttöku
í atvinnulífi. Námskrá í átthaga-
fræði er í tveimur hlutum, annars
vegar fyrir starfsstöðvarnar norðan
Fróðárheiðar; Ólafsvík og Hellis-
sand og hins vegar fyrir starfs-
stöðina sunnan heiðar; Lýsudeild.
Í námskránni eru markmið hvers
bekkjar sett fram og viðfangsefni
skilgreind. Námskráin er fjölbreytt
og gefur möguleika á ólíkum útfær-
slum í kennslu. mm
Vestlendingar áttu drjúgan skerf af
íslensku menntaverðlaunum
Átthagafræðinámið í Snæfellsbæ hlaut verðlaun
Verðlaunahafar ásamt forseta Íslands og Gerði Kristnýju formanni dómnefndar. Ljósm. forsetaembættið.
Stoltir fulltrúar Grunnskóla Snæfellsbæjar með verðlaun sín. Ljósm. forsetaembætti/ Birgir Ísleifur Gunnarsson.