Skessuhorn - 09.11.2022, Page 20

MIÐVIKUDAGUR 9. NÓVEMBER 202220
,,Falið afl“ var yfirskrift sam-
sýningarinnar sem haldin var
á veitingastaðnum Grjótinu
við Kirkjubraut á Akranesi
á nýliðnum Vökudögum. Í
sýningar skránni segir: „Nafnið er
vísun í þá leyndu skapandi krafta
sem búa meðal þátttakenda sem
allir eru búsettir í bænum. Bak-
grunnurinn er fjölbreyttur en það
sem sameinar hópinn er áhugi og
vitund um mikilvægi þess, hvernig
listsköpun eflir og þroskar, bæði
einstaklinginn sjálfan og það sam-
félag sem hann býr í. Listsköpun
er stór hluti af lífsgæðum og
aðgengi að fjölbreyttri menningu
eykur víðsýni, umburðarlyndi og
færni borgaranna til samfélags-
legrar þátttöku eflist.“
Áskorun að safna
styrkjum
Edda Agnarsdóttir átti hug-
myndina að sýningunni og blaða-
maður settist því niður með henni
í smá spjall um sýninguna. Hvað
getur þú sagt mér um þessa sýn-
ingu? „Þetta er hugmynd sem ég
fékk síðsumars, kannski heldur
of seint, en fór samt að vinna að
henni. Við vorum 37 talsins lista-
mennirnir sem ætluðum í upphafi
að taka þátt, en síðan kvarnaðist
úr hópnum og við enduðum í 32
með heiðurslistamanninum Phil-
ippe Ricart sem lést í júlí á síð-
asta ári, 68 ára að aldri. Við vildum
heiðra minningu hans, hann var
einstakur listamaður og hafði alltaf
opið hús hjá sér á Vökudögum.“
Philippe var bæjarlistamaður
Akraness 1996-1997 og útilista-
verkið Hnöttur eftir hann stendur
á lóð leikskólans Teigasels á Akra-
nesi. Edda segir að erfiðlega hefði
gengið að fá stuðning hjá stórfyrir-
tækjum og því hefðu þau leitað til
minni fyrirtækja á Akranesi. Þau
hefðu tekið þeim mjög vel og þá
fengu þau styrk frá Akraneskaup-
stað upp í næstum helming við
kostnað sýningarinnar.
En hver er helsti kostnaðurinn
við svona sýningu? „Mesti kostn-
aðurinn er vegna sýningarskrár-
innar. Hún kostaði nánast eins
og bók. Þar eru myndir af öllum
listamönnunum og einnig verkum
þeirra ásamt skrifum þeirra um verk
sín. Við prentuðum 50 eintök sem
fóru til listamannanna, til bæjarins
og til þeirra sem styrktu okkur.“
Helena Guttormsdóttir setti
upp sýninguna, skrifaði formála í
sýningarskrána og texta um Phil-
ippe Ricart. Unnur Jónsdóttir
var grafískur hönnuður sýningar-
skrár og auglýsinga. Um helm-
ingur listamannanna sem var
með verk á sýningunni í Grjótinu
var einnig á öðrum stöðum með
sýningar og opin hús á Vöku-
dögum og segir Edda að þetta
hafi því verið frekar snúið.
„Sumir áttu verk í þetta konsept,
í ljósi stærðar rýmisins varð það
að vera 30x30 cm að stærð. Ekki
mátti fara út fyrir það, þannig að
allar myndirnar eru jafnstórar og
með þrjá grunna sem mátti nota,
en þeir voru venjulegur strigi
á blindramma, náttúrustrigi á
blindramma og tré. Stundum
þurftum við að lagfæra og breyta
og bæta, en þetta tókst farsællega
að lokum.“
Vantar smá kraft
En hvaðan fékkstu þessa hug-
mynd? „Ég hef alltaf vitað að það
væri mjög margt fólk að sinna list
á Akranesi og hér hafa verið opnuð
gallerí sem hafa gengið misjafn-
lega, verslanir og vinnustofur. Að
mínu mati hefur listsköpun ekki
notið nægilegs stuðnings og til
að mynda hefur engin samsýning
listamanna verið hér síðan 2004.
Okkur vantar að sameina kraftana
til fá stuðning, bæði frá bæjarfé-
laginu og fyrirtækjunum í bænum.
Skapandi þættir eins og listir, sem
er auðvitað ansi víðfeðmt hugtak,
situr að stórum hluta hjá. Í skólum
eru kenndar íþróttir/leikfimi,
en þar eru einnig kenndir skap-
andi þættir eins og myndmennt,
handmennt og heimilisfræði. Það
kostar sitt að halda uppi menn-
ingunni hérna og einnig auka
skilning á að list innifelur metnað,
hugmyndaauðgi og frumkvæði og
er nauðsynleg hverju samfélagi.“
Stefnið þið á að hafa svona sýn-
ingu árlega? „Við stefnum á áfram-
haldandi samvinnu í einhverri
mynd en hvort það verður önnur
samsýning að ári verður að koma
í ljós. Aðsóknin á sýninguna var
alveg gífurlega góð og til dæmis
komu yfir 150 manns á form-
legu opnunina þá fjóra tíma sem
var opið þann daginn. Við viljum
tryggja þetta betur, gera meira úr
þessum hópi og hafa þetta í fastari
skorðum, til dæmis að búa til félag í
kringum þetta. Þetta var frumraun
hjá okkur og hjálpar okkur mikið
við að byggja þetta upp,“ segir
Edda að endingu en hún er grunn-
skólakennari með myndmennt
sem valgrein og starfaði lengi við
grunnskólana á Akranesi. vaks
Lista- og menningarhátíðin Vöku-
dagar stóð yfir á Akranesi frá 27.
október og lauk á sunnudaginn,
6. nóvember. Óhætt er að segja
að dagskráin hafi verið fjölbreytt
og margir viðburðir voru í gangi
allan þennan tíma. Blaðamenn og
ljósmyndarar Skessuhorns fylgdu
hátíðinni eftir og meðfylgjandi
myndir voru teknar í liðinni viku.
mm
Vökudagar runnu sitt skeið
Kirkjukór Akraneskirkju flutti á laugardaginn Sálumessu eftir Gabriel Fauré í
Hafbjargarhúsinu á Breið. Tónlistarhúsið var vissulega óvenjulegt en uppfærsla
verksins metnaðarfull. Ljósm. ki.
„Við munum halda áfram“
Rætt við Eddu Agnarsdóttur um samsýninguna ,,Falið afl“ 32 listamanna
Félagsstarf eldri borgara hélt handverksmarkað á Dalbraut 4 og seldi kaffi. Mjög
vel var mætt. Ljósm. ki.
Edda Agnarsdóttir átti hugmyndina að samsýningunni „Falið afl.“ Ljósm. vaks
Nokkur verkanna á sýningunni.
Bergrós Kjartansdóttir var með sýninguna Sjalaseið í Stúku-
húsinu í Görðum og kynnti samnefnda bók sína um leið.
Ljósm. ki
Elstu börnin á leikskólanum Vallarseli á Akranesi héldu á föstudaginn tónleika
í Tónbergi. Þar fluttu þau lög úr Ávaxtakörfunni. Tónleikarnir voru vel sóttir og
stóðu allir sig reglulega vel. Ljósm. gbþ
Kómedíuleikhúsið sýndi á þriðjudaginn í síðustu viku
Tindátana í Bókasafni Akraness. Sýningin var skuggaleikhús
fyrir börn á öllum aldri. Hér er Elfar Logi Hannesson sem
stóð í ströngu. Ljósm. ki.