Bændablaðið - 23.03.2023, Page 7

7Bændablaðið | Fimmtudagur 23. mars 2023
Pylsugerðarmaðurinn.
LÍF&STARF
Flestir eiga sér eitthvert uppáhald meðal
vel gerðra vísna. Sjálfur er ég í þeim hópi,
nema að þær eru svo mýmargar að ekki
verður tölu á komið. Ungur lærði ég þessa
vísu Þórarins Sveinssonar í Kílakoti í
Kelduhverfi, og hún er mér afar kær:
Skarðan drátt frá borði bar,
barn að háttum glaður.
Völl hann átti, en hann var
enginn sláttumaður.
Eftir Þorstein Magnússon frá Gilhaga er
þessi haglega gerða staka:
Víst er snauður barnlaus bær
bús þótt auður dafni.
Alltaf gnauðar andlaus blær
yfir dauðu safni.
Þegar gamla Tjarnarbrúin var rifin og ný
brú steypt, tekin í notkun, þá orti Dósóþeus
Tímóteusson:
Mitt er gjarna hjarta heitt,
í hinsta skjól er fokið.
Nú er Tjarnarbrúin breytt
og beggja jólum lokið.
Næst er snotur vísa eftir Karl H. Bjarnason:
Allt er hljótt um svalan sjó.
Senn er nóttin liðin.
Út við Gróttu gjálpin þó
glepur óttufriðinn.
Ólína Andrésdóttir orti einnig til sjávarins:
Gyllir sjóinn sunna rík,
sveipast ró um Faxavík,
Esjan glóir gulli lík,
gleði bjó mér fegurð slík.
Kjarnmikill var jafnan kveðskapur Bólu-
Hjálmars:
Fyrr var stóra furan keik,
fjörg við ergjur harðar.
Í baki hokin, barrlaus eik
beygist nú til jarðar.
Eftir Svein Jónsson framtíðarskáld er
þessi vísa:
Ég veit þú hallar ei mig á,
eg þó falla kunni,
og ég svalli sæmd mér frá
og sé í allra munni.
Við lestur fyrstu ljóðabókar Þorsteins
Erlingssonar, Þyrnar, orti Sigurður
Halldórsson:
Oft þó virðist lífið leitt
og litla gleði að finna,
fær mér einatt unað veitt
ómur strengja þinna.
Og enn er vísa eftir Sigurð Halldórsson á
Akureyri:
Þegar ógna vetrarvöld,
vor er ljúft að dreyma,
og ævidaga undir kvöld
æskuna sína heima.
Tryggvi Haraldsson á Akureyri spurði
Jakob Ó. Pétursson (Pela) vin sinn um
kunningsskap hans og Erlings Davíðssonar,
ritstjóra Dags. Jakob taldi hann góðan, enda
hefðu þeir búið saman og jafnvel deilt sæng
í ferðalögum erlendis. Þá kvað Tryggvi
Haraldsson:
Undir Johnsons verndarvæng
vaknaði ástarþeli,
er þeir byggðu eina sæng
Erlingur og Peli.
Þegar Ulrich Richter fagnaði sextíu
ára afmælinu, orti til hans Jóhannes
Benjamínsson frá Hallkelsstöðum í
Hvítársíðu:
Magnast þér elli, margt er liðið,
mun þó óhögguð staðreynd sú,
að sextíu ár hefur kölski kviðið
að kæmi sú stund, að birtist þú.
Umsjón:
Árni Geirhjörtur Jónsson
kotabyggd1@gmail.com
MÆLT AF
MUNNI FRAM
Starfsfólki og stjórn Bændasamtaka Íslands var boðið í
heimsókn í nýja kjötvinnslu Stjörnugríss í Saltvík á Kjalarnesi.
Tilefnið var búgreinaþing deildar svínabænda BÍ seinna um
daginn. Þar vinnur margt starfsfólk við fjölbreyttar vélar, enda
framleitt margslungið úrval matvara við bestu aðstæður. /ÁL
Kjötvinnsla af
nýjustu gerð
Gestir gera sig klára fyrir heimsóknina.
Starfsfólk pakkar kjötsneiðum. Myndir / ÁL
Salami pylsur hanga í röðum.
Stálhanski og stálsvunta koma sér vel þegar unnið er með beitta hnífa.
Kjöti pakkað í stærri umbúðir.
Svínakjöt hangir og bíður frekari vinnslu.
Snitsel í neytendapakkningum.
Ekki er allt afgreitt með vélum. Starfsmaður snyrtir kjötbita.