Bændablaðið - 23.03.2023, Page 23

23Bændablaðið | Fimmtudagur 23. mars 2023
Endurheimt vistkerfa
Mossy earth er alþjóðleg hreyfing um
endurreisn vistkerfa sem er fjármögnuð með
frjálsum framlögum frá einstaklingum og
fyrirtækjum.
Nú þegar er fjöldi verkefna víða um heim farin
að skila árangri við endurheimt vistkerfa. Mossy
Earth vinnur af hugsjón. Megináhersla er að vinna
með vistkerfi sem fyrir voru í landinu og í tilfelli
Íslands er endurheimt náttúruskóga (birkiskóga)
og endurheimt votlendis í hávegum. Ekki er
unnið að framleiðslu vottaðra kolefniseininga né
öðrum beinum fjárhagslegum ávinningi.
Á þremur árum hefur Mossy Earh átt í farsælu
samstarfi við Skógræktina og hafa þau nú þegar
gróðursett 60.000 birkiplöntur til endurreisnar
skógar á rofnu landi. Nú hafa þau áhuga á að
vinna enn frekar að endurreisn skógarvistkerfa
á Íslandi og vilja hefja samstarf við bændur eða
aðra landeigendur.
Mjög upplýsandi og greinargóðar umfjallanir
um verkefni þeirra er að nálgast á heimasíðu
þeirra, www.mossy.earth, og vert er að mæla
mjög með Youtube-síðu þeirra því þar er fjöldann
allan af fróðleik að finna.
Skógræktin getur haft milligöngu um samband
við Mossy Earth. Áhugasamir geta sent tölvupóst
á throstur@skogur.is.
/HGSBirkiplanta í mel. Mynd / Aðsend
Landbúnaður
skilvirkari með
gervigreind?
Tölvutæknin hefur tekið stökk í
þróun undanfarin misseri með
tilkomu gervigreindar. Bænda-
blaðið lagði spurningu fyrir gervi-
greindarforritið ChatGPT um
væntanleg áhrif gervigreindar á
landbúnaðinn og svaraði forritið
á prýðilegri íslensku.
„Megin markmiðið með
gervigreind er að þjálfa tölvur og
kerfi til að geta greint, skilið og lært
af gögnum án mannlegs inngripunar.
Þetta getur verið mjög gagnlegt í
mörgum mismunandi sviðum, og
landbúnaður er engin undantekning.
Gervigreind getur hjálpað
landbúnaðarstofnunum og bændum
með að safna saman og greina gögn
um gróður, dýr, veðurfar og jarðveg,
með það að markmiði að bæta
upp á framleiðslu og hagkvæmni
í landbúnaði. Gervigreind getur
hjálpað við að finna skilvirkari
leiðir til að plægja, rækta og
skordýraverjast, sem getur aukið
framleiðslu og minnkað þarfir á
notkun árgangsins áhrifaefna og
viðskiptum á milli landa.
Einnig getur gervigreind verið
notuð til að bera saman upplýsingar
um landbúnaðarframleiðslu á milli
mismunandi svæða, til að finna fram
á skilvirkari hætti til að nýta auðlindir
og minnka umhverfisáhrifin sem
tengjast landbúnaðarframleiðslu.
Á samanburðarlega stuttum
tíma hefur gervigreind verið
notuð í landbúnaði til að bæta
upp á upplýsingar um plöntur,
veðurfarsupplýsingar, veiðarfæri
og margt fleira, og tæknin er í vöxt
í landbúnaðarsektornum,“ skrifaði
ChatGPT.
Samkvæmt þessu svari þurfa
bændur ekki að óttast að gervigreind
geri þá atvinnulausa, heldur að
tæknibreytingar muni auka afköst
og gæði framleiðslu. /ÁL
Ný steypustöð
Ný steypustöð gæti risið í Hruna-
mannahreppi á næstunni.
Sveitarstjórn hreppsins barst
nýlega erindi frá fyrirtækinu B.R.
Sverrissyni ehf. þar sem er óskað
eftir viðræðum við forsvarsmenn
sveitarfélagsins um lóð vegna
mögulegrar uppbyggingar á
steypustöð í sveitarfélaginu.
Sveitarstjórn fagnaði hug-
myndinni og fól sveitarstjóra og
oddvita að kanna þá möguleika,
sem felast í óbyggðum svæðum við
Flatholt undir steypustöð.
„Þetta mál er enn á algjöru
frumstigi. Þetta er spennandi
og mögulega verður eitthvað
þarna að veruleika,“ segir Aldís
Hafsteinsdóttir, sveitarstjóri
Hrunamannahrepps. /MHH