Bændablaðið - 23.03.2023, Qupperneq 36

36 Bændablaðið | Fimmtudagur 23. mars 2023
Í gömlu fjósi í Mosfellsbæ hafa
nokkrir menn aðstöðu til að
sinna uppgerð á gömlum vélum
og tækjum. Þarna hafa þeir
samnýtt húsnæði og aðstöðu og
notið félagsskapar hver annars
síðan árið 2013.
Flestir meðlimirnir eru hættir að
vinna og segjast viðhalda heilsunni
með því að gera upp gamlar vélar.
Þegar gengið er inn í aðstöðuna á
Blikastöðum blasa við vélar af öllum
gerðum. Sumar eru ekkert annað
en íhlutir á víð og dreif á meðan
aðrar eru greinilega langt komnar í
uppgerð. Í „betri stofunni“, eins og
karlarnir nefna eitt herbergið, eru
dráttarvélar sem líta út fyrir að hafa
yfirgefið verksmiðjuna fyrr sama
dag. Þrátt fyrir að fljótt á litið sé allt
í óreiðu, er hver og einn meðlimur
með afmarkaðan bás í þessu gamla
fjósi, sem eru merktir með línum í
gólfinu. Aðspurðir segja karlarnir að
þetta sé dásamlegt tómstundagaman
og að Blikastaðir séu þeirra
félagsmiðstöð.
Útbreitt áhugamál og biðlisti
Einn helsti drifkrafturinn á bak við
félagsskapinn á Blikastöðum er
Þorfinnur Júlíusson. Hann vann
áður við sölu á landbúnaðartækjum
hjá nokkrum þekktum fyrirtækjum
eins og Búvélum, Vélaborg, Vélum
og þjónustu og G. Skaftasyni, en
er kominn á eftirlaun í dag. Af
félögunum er hann oft kallaður
fjósameistarinn.
„Fyrir tíu árum síðan bauðst mér
og Gunnari heitnum Björnssyni
að taka á leigu útihúsin á
Blikastöðum,“ segir Þorfinnur. Þá
var búið að breyta gamla fjósinu
í iðnaðarhúsnæði og steypa í alla
flóra. „Okkur datt í hug að taka
þetta á leigu og sjá hvort væri
hægt að leigja út pláss til að
gera upp gamlar dráttarvélar.“
Hugmyndina segist hann hafa
fengið af sambærilegum félagsskap
sem var í Borgartúni áður. „Það
smáfylltist af vélum og mönnum
og varð stærra og stærra samfélag.“
LÍF&STARF
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Varðveisla landbúnaðartækja:
Þorfinnur fjósameistari á Blikastöðum
– Sameiginlegt verkstæði og félagsmiðstöð
Ástvaldur Lárusson
astvaldur@bondi.is
Þorfinnur Júlíusson er ein helsta driffjöðrin á bak við starfsemina á Blikastöðum. Hér stendur hann fyrir framan
Massey Ferguson traktorsgröfu sem fjallað var um í Bændablaðinu fyrir skemmstu. Mynd / Aðsend
Í gamla fjósinu á Blikastöðum njóta nokkrir menn góðs af sameiginlegri
aðstöðu og félagsskap hver annars.
Kaffistofan. Þorvaldur Sigurðsson, Albert Baldursson, Steindór Teódórsson,
Þórarinn Garðarsson og Hróar Pálsson.
Í „Betri stofunni“ eru geymdar nokkrar dráttarvélar sem eru alveg eins og nýjar.
Þorfinnur segir uppgerð vélanna taka eitt til tvö ár. Þær eru í misjöfnu ástandi
þegar þær koma. Myndir / ÁL