Muninn - 01.05.2016, Qupperneq 66

64
Að vera með átröskun
Kæri lesandi.
Með þessum pistli mun ég reyna að fá ykkur kæru MA-
inga til að komast inn í hugarheim manneskju sem er
að glíma við átröskun, því mér finnst mjög mikilvægt að
allir viti um hvað málið snýst.
Mér finnst alveg ótrúlega óþægilegt að skrifa þetta, því
mér finnst þetta sjálfri mikill ókostur. Það veit líka nánast
enginn að ég er með átröskun. Aðeins foreldar mínir og
nánustu vinir.
Að vera með átröskun er eins og að
vera með verk í öllum líkamanum, alla
daga. Verkurinn er auðvitað mismikill
og varir í mislangan tíma, en í rauninni
þá er sársauki til staðar.
Ég fáranlega hrædd við mat og mér líður líka alltaf eins
og ég hafi borðað alltof mikið. Mér finnst ég líka alltaf
rosalega feit. Hugsanir mínar snúast allar um það sama
og ekkert annað kemst að. Löngunin til að verða mjórri
og mjórri er ávallt efst í huga og maður gerir stundum
hvað sem er til að ná því. Líða betur. Í raun ekki betur, en
að vera ánægðari með sjálfan sig, einhvernveginn.
Þegar ég á slæma daga, þá er það fyrsta sem ég
geri á morgnanna að ákveða að þann dag muni ég ekki
borða neitt. Ekki neitt. Mér finnst eins og mér muni líða
svo miklu betur með sjálfan mig ef ég borða bara ekkert.
Hungrið ber oftar en ekki sigur úr bítum þegar líður á
daginn, en þegar það kemur smá matur í bumbuna, þá
fer hugurinn á fullt. Smá hrökkbrauð getur stundum
kallað fram tár, því þá líður mér eins og ég hafi þyngst
um 50 kg á einu augnabliki. Maginn reynir að gefa fram
vellíðunartilfinningu því loksins kom næring í líkamann,
en hausinn neitar að senda það áfram.
Þegar ég lít í spegil finnst mér eins og ég sé
ótrúlega feit og ljót. Mér finnst ég feitasta stelpa í heimi
og ég sé yfirleitt ekkert gott við líkamann minn. Þegar ég
leitaði mér loksins hjálpar var mér sýnd mynd, teiknaða,
af stelpu sem var með sama BMI - stuðul og ég. Ég fór
bara að hlægja. Fannst það ómögulegt. Þessi stelpa var
ekkert nema skinn og bein. Hún var of mjó til að geta
verið eins og ég. Á þeim tíma var ég á mörkunum að ná
50 kg og hæfileg þyngd fyrir mína hæð er ca 62 kg.