Muninn - 01.05.2016, Side 108
106
Þegar við hugsum um tilveru allra lífvera á plánetunni jörð er margt sem
kemur til hugar, sem einhvern veginn, á einvern hátt, tengist eða hefur haft
áhrif á líf okkar. Meðal annars vaknar stóra spurningin: UM HVAÐ SNÝST
ÞETTA ALLT SAMAN? Af minni reynslu snýst þó stóra spurningin í lífi þeirra
sem synda í svartholi tilvistarkreppunnar einungis um hvort maður ætti að
beygja til hægri eða vinstri. Valið er of mikið.
Maður veltir þessu samt sem áður fyrir sér. Er einhver tilgangur með lífinu á
jörðinni? Í allri ösinni þar sem milljarðir manna, dýra, plantna, sjávarlífvera og
sníkjudýra hlaðast saman á einhvern súrefnisklump í geiminum, allir að fylgja
sinni eigin hversdagsrútínu. Er hægt að finna einhvern tilgang? Og ef svo er,
hverju tengist þessi tilgangur? Hver er tilgangurinn með þessum tilgangi? Í
hvað nýtist hann? Hver hagnast af honum?
Til er fólk sem telur að enginn sé tilgangurinn með þessu lífi okkar á meðan
aðrir halda fram að tilveran hafi einhverja merkingu.
Fólk sem telur að tilgangur sé með lífinu á jörðinni virðist oft líta framhjá
einu veigamiklu atriði. Þegar talað er um tilgang á jörðinni, þá nær oftast
þessi tilgangur ekki út fyrir mörk jarðarinnar. Hann hagnast alltaf okkar lífi
eða tengist jörðinni sjálfri á einhvern hátt.
Ég á erfitt með að trúa þessu og því vil ég leggja fram kenningu.
Lífið á jörðinni er í raun rannsóknarverkefni geimvera, en þær voru samt ekki
að reyna að fá einhverjar sérstakar niðurstöður, þær vildu bara sjá hvaða
rugl þær voru færar um að búa til.
Einhverjum þykir kannski sú skoðun að geimverur séu til, fráleit. Ekki
bara það, margir myndu eflaust neita að geimverur eigi einhvern þátt í
uppbyggingu lífsins á jörðinni.
En nú spyr ég.
Við höfum hugmynd um hvernig geimverur líta út. Hvaðan kom þessi
hugmynd?
Hvaðan kom hugtakið geimvera? Hver setti það fram? Afhverju vitum við
hvað það þýðir?
Er lífið á jörðinni í raun rannsóknarverkefni
geimvera, en það var samt enginn tilgangur með því,
þær vildu bara sjá hvaða rugl er hægt að búa til?