Jökull - 01.01.2019, Side 146

Jarðfræðafélag Íslands
Skýrsla stjórnar fyrir starfsárið 2019
Á fyrri hluta starfsársins 2019 störfuðu í stjórn félags-
ins Þorsteinn Sæmundsson (formaður), Erla María
Hauksdóttir (varaformaður), Lúðvík Eckardt Gústafs-
son (gjaldkeri), Sigurlaug María Hreinsdóttir (ritari),
Ásta Rut Hjartardóttir (meðstjórnandi), Ásdís Bene-
diktsdóttir (meðstjórnandi) og Þóra Björg Andrésdótt-
ir (meðstjórnandi).
Vorráðstefna félagsins var haldin þann 8. mars í
Öskju, náttúrufræðahúsi Háskóla Íslands. Líkt og
áður var jarðfræðinemendum boðið endurgjaldslaust
á ráðstefnuna, en stjórn félagsins telur mikilvægt að
nemendur fjölmenni á ráðstefnur og viðburði félags-
ins og kynnist störfum jarðfræðastéttanna. Á ráðstefn-
unni var að vanda fjölbreytt dagskrá og mörg fróðleg
erindi flutt. Ráðstefnuna sóttu um 80 manns, þar af
fjölmargir nemendur. Alls voru 18 erindi haldin og 8
veggspjöld kynnt.
Eftirfarandi erindi voru flutt:
Alberto Caracciolo. Temporal evolution of magma
reservoirs beneath the Bárðarbunga-Veiðivötn
volcanic system: a melt inclusion approach.
Lúðvík E. Gústafsson. Náttúruvá og loftslagsbreytingar í
jarðsögulegu ljósi.
Halldór Geirsson. Breytilegt landris á Íslandi 1993–2019.
Árný Erla Sveinbjörnsdóttir. Aldursgreiningar á vatni með
stöðugum samsætum, Tritium og geislakoli.
Olgeir Sigmarsson. Skorpubráð og jarðhitakerfi Kröflu.
Eemu Ranta. Chlorine isotope systematics in silicic rocks:
Lessons from Iceland.
Revathy M. Parameswaran. Seismic relocations and stress
evolution in Ölfus.
Maja Bar Rasmussen. Mantle heterogeneity in a tilted
Icelandic plume – what we can learn from trace
elements in olivine.
Andri Gunnarsson. Multisource Bathymetric Elevation
Model of Lake Þórisvatn.
Davíð Egilson. Hættumat vegna jökulhlaupa í Skaftá.
Eyjólfur Magnússon. Hvað sýna þéttar íssjármælingar yfir
sigkötlum?
Gro B.M. Pedersen. New historical lava flow map for
Hekla volcano, South Iceland.
Rikke Vestergaard. Volume, morphology and petrology
of the 1766–68 and 1845–46 eruptions of the Hekla
volcano, Iceland.
Hreggviður Norðdahl. Hvað geta forn fjörumörk sagt okk-
ur til um stærð og legu jökla á Íslandi í lok síðasta
jökulskeiðs? Dæmi úr Arnarfirði á Vestfjörðum.
Joaquín M.C. Belart. Spatially distributed mass balance
of selected Icelandic glaciers, 1945–2015. Trends and
relationship with climate.
Vincent Drouin. Country-wide observations of plate
spreading and glacial isostatic adjustment in Iceland
inferred by Sentinel-1 radar interferometry, 2015–
2018.
Þorsteinn Sæmundsson. Er hætta á að stórt berghlaup geti
fallið úr Svínafellsheiði fyrir ofan Svínafellsjökul í Ör-
æfum?
Leó Kristjánsson. Sitthvað um segulmælingar á erlendu og
íslensku bergi.
Vorferð félagsins var með nokkru öðru sniði en
undanfarin ár. Að þessu sinni var haldið í 10 daga
jarðsöguferð til Danmerkur og Svíþjóðar undir leið-
sögn prófessors Ólafs Ingólfssonar. Átján manns voru
í ferðinni sem hófst á brautarstöðinni í Lundi þaðan
sem haldið var á Borgundarhólm og síðan var hald-
ið aftur til S-Svíþjóðar. Jarðlög allt frá forkambrí-
um og nánast öllum skeiðum jarðsögunnar voru skoð-
uð. Veðrið lék við ferðalanga og fóru allir mjög sáttir
heim. Jarðfræðafélagið vill þakka Ólafi fyrir frábæra
og fræðandi leiðsögn í ferðinni.
Aðalfundur félagsins var haldinn 6. júní í Öskju,
náttúrufræðahúsi Háskóla Íslands. Á aðalfundinum
urðu þær breytingar að úr stjórn gengu þær Sigurlaug
María Hreinsdóttir sem starfað hefur í stjórn félags-
ins frá árinu 2012 og var formaður félagsins frá 2013
til 2017, Erla María Hauksdóttir sem starfað hefur í
stjórn félagsins frá árinu 2014 og var varaformaður
árið 2017–2019, Þóra Björg Andrésdóttir sem starf-
að hefur í stjórn félagsins frá árinu 2017, og Ásdís
JÖKULL No. 69, 2019 145