Hinsegin dagar í Reykjavík - 01.08.2022, Page 13

Ungmennaráð
Ungmennaráð Hinsegin daga var
stofnað vorið 2022. Tilgangurinn með
stofnun þess er að leyfa ungu fólki á
aldrinum 13-25 ára að taka virkan þátt í
mótun og skipulagningu dagskrár fyrir
þennan aldurshóp á Hinsegin dögum
í Reykjavík. Eftirspurn eftir ráðgjöf og
félagslegum tækifærum fyrir hinsegin
ungmenni hefur stóraukist síðustu ár
og mæta t.d. rúmlega eitt hundrað
einstaklingar á aldrinum 13-18 ára í
hinsegin félagsmiðstöð í Reykjavík í
hverri viku. Ekki hefur verið margt í
boði fyrir ungt fólk á Hinsegin dögum
en það stendur heldur betur til bóta. Í
Pride vikunni verða fjölmargir skemmti-
og fræðsluviðburðir ætlaðir þessum
aldurshópi.

Starfsemi ungmennaráðsins gefur
áhugasömu ungu fólki kost á því að
koma með hugmyndir að viðburðum
og leiðum til að auka sýnileika ungs
hinsegin fólks á Hinsegin dögum. Ráðið
mótar hugmyndirnar og fær í lið með
sér önnur ungmenni til að aðstoða við
framkvæmd viðburða. Ungmennaráð
vinnur í nánu samstarfi við stjórn
Hinsegin daga í Reykjavík.
Í ráðinu eru níu frábærir einstaklingar
sem hafa verið að skipuleggja dagskrá
á Hinsegin dögum. Rætt var við nokkra
þeirra og eru öll sammála um mikilvægi
þess að vera með ungmennaráð sem
tengist Hinsegin dögum.

1. Af hverju ákvaðst þú að vera
með í ungmennaráði Hinsegin
daga?
Sigur: Mér finnst mikilvægt að ungt
hinsegin fólk fái líka að njóta daganna
eins og eldri kynslóðin og mér finnst
mikilvægt að hjálpa því ég fékk það ekki
þegar ég var yngri.

Freyja: Eftir að ég var í Hinsegin
götuleikhúsinu á síðasta ári VARÐ ég
að taka þátt í Hinsegin dögum aftur á
þessu ári.

Alexander: Mig langaði að hjálpa til
við að plana viðburði fyrir hinsegin
ungmenni.

Snæfríður: Ég vildi hafa áhrif og fannst
þetta góð hugmynd.

2. Finnst þér mikilvægt að
ungmennaráð Hinsegin daga sé til
og haldi áfram?
Sigur: Já!! Hundrað prósent mikilvægt.
Ekki bara gefur þetta ungu fólki tækifæri
til að njóta hátíðarinnar heldur kennir
þeim í ráðinu að vinna sjálfstætt.

Freyja: Já það er mjög mikilvægt. Ungt
hinsegin fólk á skilið að fá eitthvað
svona skemmtilegt að gera í hinsegin
vikunni og fá einhvers konar rödd.

Alexander: Mér finnst mikilvægt að
ungmennaráðið sé til af því að þá fá
ungmenni að hafa áhrif á dagskrá sem
gerir hinsegin ungmenni sýnilegri.

Snæfríður: Mér finnst þetta mjög
mikilvægt vegna þess að við fáum að
hafa áhrif og gera dagskrána betri. Ég vil
endilega að þetta haldi áfram.

3. Hvað f innst þér
skemmtilegast við þátttökuna í
þessu starf i?
Sigur: Að kynnast nýju fólki og sjá allar
frábæru hugmyndirnar sem koma fram.

Freyja: Að fá að koma með hugmyndir
að alls konar uppákomum og
skemmtilegum hlutum sem fólk fær að
gera.

Alexander: Að fá að láta hugmyndir
okkar blómstra. Að hjálpast að við að
gera hugmyndirnar að veruleika.

Snæfríður: Mér finnst krakkarnir
skemmtilegastir en líka að fá að plana
skemmtilega hluti.

4. Hvað hlakkar þú mest til að
gera á Hinsegin dögum í ágúst?
Sigur: Til dragkvöldins, tónleikanna
í húsi Máls og menningar og til
göngunnar sjálfrar.

Freyja: <3

Alexander: Ég hlakka til að taka þátt í
sem flestu sem ungmennaráðið hefur
verið að plana. Ég hlakka mikið til að
taka þátt í ApocalypsticK og koma þar
fram í dragi. Svo auðvitað hlakka ég
mikið til Gleðigöngunnar.

Snæfríður: Ég hlakka mest til
sundlaugarpartýs. Ég held að það verði
ÆÐI!

Reykjavík Pride youth council
Reykjavík Pride youth council was
established in the spring of 2022. The
need for a more youth inclusive Pride
has become apparent, with around 100
teens showing up for a queer youth center
every week during the winter. The youth
council plans the teen centred events,
both educational and entertainment, in
cooperation with the board of Reykjavík
Pride. Some of the teen events are a drag
night, pool party and a concert. sími 551-2344
tapas.is
Spánn
er handan
við hornið
SJÁUMST Á TAPASBARNUM
gleðilega hátíð!
13