Hinsegin dagar í Reykjavík - 01.08.2022, Blaðsíða 18

STJÖRNUSPEKIHORNIÐ
HÖFUNDUR: HEL ADA

HRÚTUR
Jæja, elsku hrútur. Við vitum vel að þú
ert stóra barnið í stjörnuþokuættinni og
hagar þér eftir því. Þú býrð yfir miklum
krafti og metnaði í lífinu. Það hefur reynst
þér vel en á sama tíma hugsar þú lítið um
glundroðann sem þú átt til að skilja eftir
þig og hin stjörnumerkin þurfa svo að
leysa úr. Það þarf ekki að snapa slag við
alla. Stundum þarftu að velja bardagana
sem skipta máli og hunsa aðra.

Okkur hinum er samt ekki illa við þig
þótt það kunni að hljómi svo. Við erum
bara að bíða eftir að þú áttir þig á hvort
viljir vera top, bottom eða switch frekar
en þessi óreiða sem þú kallar fram í
núverandi formi. Því um leið og þú
áttar þig á hver þú ert þá getum við hin
mögulega boðið þér betri hluti.

Eins og oft á við um börn hrjáir þig
eitthvert óþarfa stolt sem leyfir
þér stundum ekki að brjótast út úr
forminu. Þessi stirðleiki er þér ekki til
framdráttar, þú þarft að leyfa þér að fara
út á dansgólfið og vera smá lúði, eins
Elton John. Ekki reyna að vera töffari
eða einhver frumkvöðull, hreyfðu bara
skankana eftir taktinum í mislitum
sokkum án þess að spá hvað aðrir hugsa,
vertu þú sjálft. Þannig skapar þú þér
sérstöðu.

Frægir hrútar: Elton John, Mariah
Carey, Lady Gaga, Lee Pace, Andrea
Jónsdóttir

Jú, jú, fólk mun mögulega særa eða skilja
þig eftir á dansgólfinu, en einungis þannig
lærir þú á lífsins leik og hvað það er að
vera hýr í hjarta, hljóði og verki.

Ég veit að það er oft mjög erfitt að breyta
til og segja bless við gamlan vana og
þægindi en þú þarft að prófa það sem
lífið hefur upp á að bjóða. Ananas á pizzu
hljómar kannski illa í eyrum þínum en þú
veist ekki hvort þú fílir það nema þú prófir.
Sama á við um samneyti karla, kvenna og
kvára og allt það sem þú getur notið með
því.

Því ég vil ekki að þú hættir að vera
nautnadýr. Ég vil bara að þú stígir út úr
rammanum og leyfir þér að njóta með
einhverju öðru en leikfangakistunni.

Fræg naut: Kelly Clarkson, Cher, George
Takei
NAUT
Elsku nautið mitt, legðu nú frá þér
víbradorinn og kíktu út í garð með fólki.
Þú átt svolítið til að loka þig af í þínu
örugga umhverfi og missa af öllu því sem
heimurinn og annað fólk hefur upp á að
bjóða.

TVÍBURAR
Þú ert bölvaður táningur og glyðra, en það
er það sem við elskum við þig. Þú virðist
til í flest allt en á sama tíma ertu ekkert
að pæla of mikið í framtíðinni því þú ert
fiðrildi mannlegu holdi klætt.

Af öllum stjörnumerkjunum þá ert þú það
merki sem er líklegast til að hafa deitað
helminginn af því fólki sem er á skrá í
Samtökunum ‘78 og þar af leiðandi hafa
allir einhverja sögur að segja af þér, sumar
góðar og aðrar slæmar, en eins og með allt
annað þá lætur þú það eins og vind um
eyru þjóta. Því fyrir þér er lífið núna.

Þú þarft samt að læra að bera ábyrgð ef
þú ætlar að byggja eitthvað fallegt með
öðru fólki. Eins falleg og fiðrildi geta
verið þá er líf þeirra stutt og auðgleymt
og þess vegna þarftu að byggja eitthvað
sem endist til frambúðar, hvort sem það
er með manneskju eða einhvers konar
“polycule”.

Því ég vil ekki að þú hættir að vera
táningur í hjarta. Einungis að þú lærir
að bera ábyrgð á meðan þú dansar inn í
nóttina á Kiki.

Frægir tvíburar: Sir Ian McKellan,
Laverne Cox, Anderson Cooper

KRABBI
Jæja, elsku besti krabbi. Það er kominn
tími á að þú hættir að vera svona passíf-
aggressíf manneskja og bara standir upp
fyrir sjálfu þér.

Þú ert stundum svo upptekið við að
smíða einhvers konar fjölskyldu að þú
gleymir að þú átt nú þegar vini og stærri
hinsegin fjölskyldu sem þú getur notið
þín með. Þú þarft að leyfa þér að sletta
úr klaufunum og fá þér dýran bjór á
barnum á meðan fólk rennir til þín hýru
auga.

Þú þarft ekki að sjá fyrirþér heila framtíð
með manneskju sem þú hittir rétt í
þessu. Stundum er bara nóg að kynnast
fólki létt og halda áfram án þess að pæla
í endalausu „hvað ef”. Lífið er rússíbani
og tilgangslaust að hugsa um hvert
hann leiðir.

Þú þarft líka að leyfa þér að finna fyrir
þeim tilfinningum sem bærast innra
18