Hinsegin dagar í Reykjavík - 01.08.2022, Síða 14

PINKICELAND.IS
DESTINATION
WEDDINGS

TRAVEL
PLANNING
&
FOR 10 YEARS
LO
VE
CELEBRATING
WE ARE A VALUES BASED
COMPANY OWNED AND
RUN BY MEMBERS OF THE
LGBTQ+ COMMUNITY. WE
STRIVE FOR EQUALITY,
RESPECT, HONESTY,
SUSTAINABILITY &
KINDNESS.
WE HOPE YOU DO TOO*
*that basically means that if
you're racist, sexist or queer-
phobic we can't work with you.
also, if this applies to you
please seek help immediately!
Í skólastofum landsins starfa yfir 7000
kennarar, um 5300 í grunnskólum og
1800 í framhaldsskólum. Margir þeirra
þekkja hinseginleikann vel og reynast
góðir bandamenn, en einnig eru þeir
kennarar til sem tala á þá vegu að
hreinlega skaðlegt er gagnvart hinsegin
nemendum og hinsegin kennurum
og starfsfólki skólanna. Nýlega birti
grunnskólakennari færslu á fésbókinni
þar sem tekið var undir hatursfull
sjónarmið Dr. Jordan Peterson gagnvart
trans ungmennum og trans fólki.
Eftir kvörtun og ábendingar brást KÍ
við með yfirlýsingu þar sem tekinn
er af allur vafi um að stefna KÍ er að
virða og styðja hinsegin samfélagið
og fordæma hatursorðræðu,
fordóma og fáfræði innan veggja
skólasamfélagsins. Fréttina má finna á
síðu Kennarasambandsins.
Arna Magnea Danks, leikkona,
áhættuleikstjóri, kennari og aktívisti,
hefur starfað sem grunnskólakennari í
17 ár, ásamt því að sinna stundakennslu
í áhættuleik við Kvikmyndaskóla
Íslands, LHÍ og Menntavísindasvið HÍ
af og til frá árinu 2012. Hún deildi með
okkur nokkrum grunnatriðum sem
mikilvægt er fyrir kennara að hafa í
huga í starfi sínu.

1. Mikilvægt er fyrir skólasamfélagið
að hlusta á og virða raddir hinsegin
kennara og taka mark á þegar er verið
að leiðrétta rangfærslur, benda á
öráreiti, fáfræði og fordóma.

2. Ávallt að sýna nemendum sem koma
út nærgætni, virðingu og hlusta á óskir
nemenda um fornöfn. Enda skylda
kennara og samfélagsins að hlíta
samþykkt barnasattmála Sameinuðu
þjóðanna um réttindi barna.

3. Sækja fræðslunámskeið á vegum
Samtakanna ‘78 sem hluta af sí- og
endurmenntun kennara.

4. Lesa sér til á viðurkenndum og
opinberum síðum og bókum er fjalla
um hinseginleikann, t.d. otila.is/

5. Alltaf, alltaf spyrja annan
kennara, vin, ættingja sem tengist
hinseginleikanum, ef þú ert í vafa
um hvernig þú getir sem best stutt
við hinsegin nemendur, foreldra og
starfsfólk.

6. Ef trans/kynsegin nemandi vill
nota annað nafn en viðkomandi fékk
úthlutað, þá ber að virða tilfinningar
og vilja nemandans. Enda kveður
barnasáttmáli Sameinuðu þjóðanna
skýrt á um rétt barna til að á þau sé
hlustað og tilfinningar þeirra virtar.

7. Sýnið samstöðu í verki þegar
nemendur, starfsfólk og/eða trans/
kynsegin einstaklingar verða fyrir
öráreiti, gaslýsingu, rangkynjun eða
fordómum.

8. Þrýstið á ykkar skóla að
innlima aðgerðaáætlun gagnvart
einelti, áreitni og ofbeldi vegna
hinseginleika í aðgerðaráætlunina
um jafnréttismál.

9. Þrýstið á aukna fræðslu innan
skólans, bæði með því að fá hinsegin
kennara/nemendur/starfsfólk til að ræða
við annað starfsfólk og nemendur, en
ekki síst með því að fjölga þeim skiptum
sem Samtökin ‘78 koma inn með fræðslu.
Ekki er nóg að vera með fræðslu á 3-4 ára
fresti fyrir nemendur og starfsfólk, þetta
þarf að vera á hverju einasta hausti til að
skila virkilegum árangri í baráttunni gegn
fáfræði, fordómum og hatri.

10. Á undan allri menntun þarf að koma
umhyggja, tilitsemi og virðing. Einungis ef
barni líður vel er það tilbúið til að hlusta
og læra. Tökum frá tíma til að ræða við
nemendur um fjölbreytileika mannlegrar
tilvistar og hlustum á raddir hinsegin
nemenda þegar þau segja frá sinni
upplifun. Á bakvið hugtakið menntun er
mennskan og hana þurfum við að rækta
á kærleiksríkan, umburðarlyndan og
skilningsríkan máta, framar allri annarri
menntun.

Ten points for queer inclusive schools
and teachers.
Teacher and trans activist Arna Magnea
Danks lays out a 10-point action plan for
schools and teachers to embrace their queer
students. Iceland has over 7000 teachers
and the teachers’ union has in a recent case
affirmed their pro queer rights stance. Arna
provides us and her colleagues with the
actions they need to take.
Vellíðan nemenda er
grundvöllur að árangri
þeirra í námi
Ábendingar frá hinsegin kennara
Höfundur: Arna Magnea Danks