Skinfaxi - 01.04.2016, Síða 23

SKINFAXI tímarit Ungmennafélags Íslands 23
Ungmennafélagsandi í hnotskurn
Aðalbjörn Jóhannsson er Þingeyingur, fæddur árið 1992 og er því 24 ára. Hann ólst upp í Öxarfirði
á milli milli Tjörness og Melrakkasléttu. Hann gekk menntaveginn á Akureyri og fór utan í hálft ár í
lýðháskóla í Danmörku.
„Ég er úr fjölskyldu sem ég skilgreini sem kjarna-ungmennafélagsfjölskyldu. Aðalbjörn afi (Gunn-
laugsson) var ungmennafélagsandinn í hnotskurn. Bjartsýnn, jákvæður og hvatti aðra. mjög virkur
í hreyfingunni og í stjórn Ungmennafélags Öxfirðinga og UNÞ þótt hann hafi ekki getað tekið
þátt í íþróttum vegna lömunarveiki sem hann fékk 19 ára gamall. Ég kynntist honum aldrei því
hann dó tveimur árum áður en ég fæddist. Amma Erla hefur alltaf farið á landsmót eins og við hin
og hún hefur orðið Íslandsmeistari á Landsmóti UMFÍ 50+. Ég keppti á unglingalandsmótum og
landsmótum en hef aldrei verið í afreksíþróttum.“
Leiðin í ungmennaráð
• Aðildarfélag UMFÍ tilnefnir full-
trúa í Ungmennaráð.
• Oft er haft samband við ung-
menni sem hafa verið virk í ung-
mennaráðum aðildarfélaga UMFÍ
og þau spurð hvort megi tilnefna
þau.
• Aðalbjörn var virkur í æskulýðs-
starfi á svæði Ungmennafélags
Norður-Þingeyinga (UNÞ) og
hafði framkvæmdastjóri félagsins
samband við hann.
• Skipað er í Ungmennaráð UMFÍ á
sambandsþingum sem haldin eru
á tveggja ára fresti. Aðalbjörn var
skipaður á sambandsþingi UMFÍ í
Vík í Mýrdal 2015 til tveggja ára.