Skinfaxi - 01.04.2016, Síða 41

SKINFAXI tímarit Ungmennafélags Íslands 41
segir Fanney Ólafsdóttir á bænum Hurðar -
baki í Flóahreppi og ein þriggja í ritnefnd
Ungmennafélagsins Þjótanda. Fanney er
formaður ritnefndar félagsins, sem gefur
út fréttabréfið Áveituna í samvinnu við
sveitarfélagið. Í Flóanum hafa komið út
fréttabréf um hver mánaðamót í um 30
ár. Fanney segir að þótt nýrri miðlar hafi
komið síðan fréttabréfið kom fyrst út þá
hafi verið tekin sú meðvitaða ákvörðun að
halda útgáfunni áfram.
„Ef fréttabréfið væri einungis birt á
Facebook eða í tölvupósti þá er alltaf
hætt við að einhver missi af efninu úr því,“
svarar Fanney og bendir á að Ungmenna-
félagið Þjótandi sé með Facebook-síðu og
birti þar helstu upplýsingar um starf semi
félagsins. Öðru máli gegni um frétta-
bréfið, það hafi samfélagslegu hlutverki
að gegna.
• Samþykkt var árið 2006 að
sameina Gaulverjabæjarhrepp,
Villingaholtshrepp og Hraun-
gerðishrepp í Flóahrepp.
• Eftir sameininguna tóku ung-
mennafélögin á svæðinu upp
samstarf um útgáfu fréttabréfs,
og fékk blaðið nafnið Áveitan.
• Ungmennafélögin Vaka í
Villingaholtshreppi, Ungmenna-
félagið Samhygð í Gaulverja-
bæjarhreppi og Ungmenna-
félagið Baldur í Hraungerðis-
hreppi sameinuðust í Ung-
mennafélaginu Þjótanda árið
2015. Nýtt félag tók við verk-
efninum félaganna þriggja, og
þar með útgáfu Áveitunnar.
• Í ritnefnd Áveitunnar eru auk
Fanneyjar Ólafsdóttur, Iðunn Ýr
Ásgeirsdóttir og Ragnar Sigur-
jónsson.
Hér má sjá þau Iðunni, Fanneyju og Ragnar í ritnefnd Ungmennafélagsins Þjótanda með eintak af fréttabréfinu Áveitunni á milli sín.
Sterkari saman
Skrifa helst ekkert sjálf
Í Áveitunni eru sagðar fréttir af því sem
fram undan er í Flóahreppi, fundum, við-
burðum, leiksýningum, íþróttafréttir,
fréttir af þorrablótum, pistlar frá skóla-
stjórnendum, auglýsingar og ýmislegt frá
sveitarstjórn, kvenfélögum, búnaðarfélög-
um og fleirum. Nýverið var tekin upp sú
nýlunda að birta uppskriftir frá íbúum í
sveitinni.
„Við í ritnefndinni skrifum helst ekkert
í blaðið heldur leitum eftir innsendu efni.
Það gengur ágætlega,“ segir Fanney.
Efni í blaðið er oftast sent til ritnefndar í
tölvupósti. Fanney setur blaðið saman, og
ritnefndin hittist svo einu sinni í mánuði í
Flóaskóla og ljósritar. Fréttabréfið er gefið
út í samvinnu við sveitarfélagið, sem greiðir
efniskostnað og greiðir fyrir dreifingu
þess. Í fréttabréfinu eru stundum auglýs-
ingar frá fyrirtækjum og fær ungmenna-
félagið þá greitt fyrir auglýsingarnar.
Fréttabréf Ungmennafélagsins Þjót-
anda er ljósritað í um 280 eintökum og
100 til viðbótar send í tölvupósti. Því er
dreift um sveitarfélagið og að auki það
sent til um 50 áskrifenda sem búa utan
sveitarfélagsins.
„Það er mikilvægt fyrir
samfélagið að hafa svona
fréttabréf. Þá fá allir sömu
fréttirnar á sama tíma með
sama hætti í sveitarfélaginu,“