Saga - 2022, Qupperneq 41

Yfirlit yfir tímaritin
Við upphaf hringborðsumræðnanna röktu ritstjórar sögu, stefnu og
skipan hvers og eins tímarits. Ljóst er að uppruni þeirra og markmið
eru um margt mjög áþekk, en öll eru tímaritin til dæmis gefin út af
sagnfræðingafélögum og/eða félögum áhugamanna um sögu. Sam -
eiginlegt eiga þau einnig að markhópurinn er stór. Öll hafa tímaritin
verið aðlöguð að kröfum um tvöfalda blinda ritrýni og öll eru þau
aðgengileg á netinu, þótt í mismunandi mæli sé. Síðan 2017 hefur
norska Historisk tidsskrift til dæmis verið gert aðgengilegt á netinu
samtímis því sem prentaða útgáfan kemur út. Sömu stefnu hefur
Historisk tidskrift för Finland frá og með í ár. Annað er uppi á teningn-
um hvað varðar sænska Historisk tidskrift sem ekki verður tiltækt
stafrænt fyrr en sex mánuðum eftir útgáfu heftisins, og enn lengri
bið er eftir hinu danska, sem ekki er aðgengilegt öðrum en áskrif-
endum fyrr en heilum þremur árum eftir birtingu.
Nær undantekningalaust er það sameiginleg reynsla ritstjórn-
anna að færri greinar eru sendar inn til birtingar nú en áður, en með
nokkrum áhugaverðum blæbrigðum sem komið verður að síðar.
Áður en lengra er haldið er við hæfi að endursegja í stuttu máli
mynd sem dregin var upp af útgáfu tímaritanna.
Danska Historisk tidsskrift kemur út tvisvar á ári. Ritstjórar eru
tveir, en ritstjórnin er skipuð fulltrúum frá sagnfræðideildum dönsku
háskólanna sem og fulltrúum skjala- og minjasafna. Ritið fær fjár-
hagsstuðning frá Det Kongelige Bibliotek og DEFF, Dan marks
Elektroniske Fag- og Forskningsbibliotek, en efnahagurinn er nokk -
uð þröngur og sagði Poul Duedahl að rætt hefði verið um að gefa
ritið út eingöngu í stafrænu formi.
Dunja Blazevic var fulltrúi ritnefndar norska Historisk tidsskrift í
hringborðinu. Tímaritið kemur út fjórum sinnum á ári á vegum Den
norske historiske forening, í samvinnu við Universitets forlaget og
með stuðningi frá Nasjonalt tidsskriftkonsortium for humaniora og
samfunnsvitenskap. Eitt af fjórum árlegum tölublöð um er ávallt
helgað sérstöku þema. Haldið er fast í upprunalega stefnu tímarits-
ins en því er beint bæði til fræðimanna sem og annars áhugafólks
um sögu. Framan af skiptust sagnfræðideildir „gömlu háskólanna“
á um ritstjórnina en frá þessari reglu hefur verið vikið, og eru full -
trúar í ritstjórn nú frá fleiri háskólum í einu. Í ritinu birtast auk
fræði legra greina pistlar um álitamál og ritdómar, sér í lagi um
norskar bækur. Greinarnar eru birtar á norsku, sænsku og dönsku.
saga og útgáfa fræðitímarita á 21. öld 39