Saga - 2022, Blaðsíða 42

Andstætt reynslu margra hefur norska tímaritið ekki átt í sérstökum
vandræðum með að fá inn greinar til birtingar, til dæmis tók rit-
stjórnin á móti 22 greinum árið 2021 (af þeim var 11 hafnað). At -
hyglis vert er að kvenhöfundar eru mun færri en karlkyns, og taldi
Blazevic þetta endurspegla þá staðreynd að konur eru færri en
karlar meðal fastra starfsmanna norsku sagnfræðideildanna.
Sænska Historisk tidskrift kemur einnig út fjórum sinnum á ári og
á það sameiginlegt með hinu norska að helga eitt hefti á ári ákveðnu
þema. Efni tímaritsins er annars klassískt; greinar, viðhorf, álitamál og
ítardómar, andmæli um doktorsritgerðir í sagnfræði sem og styttri rit-
dómar. Hér eru konur einnig í minnihluta meðal höfunda innsendra
greina. Ritstjórnin er skipuð fulltrúum frá sagnfræði deildum háskóla
landsins. Tímaritið hefur um það bil 1000 áskrifendur, en þeim fer
fækkandi. Ritið nýtur fjárhagsstuðnings frá Kungliga Vitterhetsaka -
demien, Antikvitets akademien og Vetenskaps rådet.
Historiallinen Aikakauskirja er gefið út fjórum sinnum á ári með
stuðningi finnska sagnfræðingafélagsins Suomen Historiallisen
Seuran og Historian ystäväin („Vinir sögunnar“). Ritstjóri er einn en
ritstjórnin skipuð fulltrúum beggja ofangreindra félaga. Innihald
blaðsins er í samræmi við fyrrnefnd systurrit og meginefnið oftast
tengt sögu Finnlands. Gefin eru út tvö þemahefti á ári.
Historisk tidskrift för Finland er gefið út af Historisk förening og
hafði lengi aðsetur í Helsingfors en hefur nú flutt til Åbo Akademi.
Greinarnar eru einkum helgaðar finnskri og norrænni sögu, en með
stuðningi frá Svenska litteratursällskapet i Finland hefur ritið einnig
möguleika á að þýða greinar af finnsku yfir á sænsku. Áskrifendur
eru um 550 og kemur ritið út í fjórum heftum á ári, þar af einu
þemahefti.
Tímaritið Scandia hefur nokkra sérstöðu meðal þeirra tímarita
sem áttu fulltrúa í hringborðsumræðunum. Ritið kemur út tvisvar á
ári og skilgreinir sig sem norrænt tímarit fremur en sérsænskt, þótt
aðstaðan sé í Lundi. Fyrir utan greinar um kenningar og aðferðir í
sagnfræði myndar umfjöllun um sögu Norðurlandanna þunga miðju
ritsins. Greinar eru birtar á öllum norðurlandamálum auk ensku.
Útgáfan er styrkt af Vetenskapsrådet, sagnfræðideild Lundarháskóla,
Kungliga Gustav Adolfs Akademien för svensk folkkultur og há -
skól anum í Malmö.
Að lokum skal nefna tímaritið Temp — tidsskrift for historie. Eins
og áður sagði er tímaritið kornungt, en fyrsta heftið kom út 2010, og
er gefið út í Árósum. Titillinn Temp er útskýrður á heimasíðu ritsins,
álitamál40