Saga - 2022, Blaðsíða 43

ritið birtir greinar sem eru teóretískt áhugahvetjandi og empírískt
brautryðjandi.6 Ritið kemur út tvisvar á ári bæði í prentuðu og staf-
rænu formi en er einungis aðgengilegt öðrum en áskrifendum eftir
tvö ár. Þemahefti koma út reglulega. Þrátt fyrir að ritið sé formlega
tengt Árósaháskóla er ritstjórnin skipuð fulltrúum annars staðar af
landinu, auk ráðgefandi ritnefndar. Temp er gefið út með stuðningi
Forskningsrådet for Kultur og Kommunikation.

Staða og framtíð
Eins og fram hefur komið hefur aukin samkeppni um greinar nær
undantekningalaust sett mark sitt á þau tímarit sem áttu fulltrúa í
hringborðsumræðunum. Sameiginlegt vandamál er að tímaritunum
berast færri greinar til birtingar en áður, þótt norska Historisk tids-
skrift og Temp séu undantekningar. Í þessu sambandi var einnig rætt
um einkenni höfundahópsins. Áður hafði verið vikið að því að
karlar væru í meirihluta meðal greinahöfunda í sænsku og norsku
tímaritunum, en fjölbreyttara mynstur kom í ljós. Þannig bentu rit-
stjórar finnsku tímaritanna beggja á að ungir fræðimenn teldu það
ekki borga sig að birta greinar á eigin tungu og að þeim væri jafnvel
ráðið frá því. Þetta kemur vel heim við reynslu ritnefndar norska
Historisk tidsskrift, en meirihluti þeirra sem birta greinar í ritinu eru
í þeirri stöðu að þurfa ekki að bæta við ferilskrá sína, þ.e. fólk sem
komið er í fastar stöður innan akademíunnar. Þótt norskir upprenn-
andi fræðimenn velji birtingar í enskumælandi tímaritum framyfir
norsk taldi Dunja Blazevic Historisk tidsskrift hafa sterka stöðu í
fræðasamfélaginu sjálfu, ekki síst þar sem tímaritið væri í rauninni
hluti af sjálfsmynd norskra sagnfræðinga. Því væri það dæmigert að
þeir sem ekki væru háðir frekara framakapphlaupi sneru til baka til
málgagnsins og gætu „leyft sér“ að skrifa á norsku í stað ensku.
Sömu sögu sagði Paul Duedahl af danska Historisk tidsskrift.
Raunar lýstu þátttakendur almennt áhyggjum af enskuvæðingu
fagsins, eða nánar tiltekið enskuvæðingu fagmálsins. Bent var á að
nýir straumar og stefnur krefjist nýrra hugtaka, og eigi fræðin að
geta haldið hlutverki sínu í miðlun rannsókna til annarra en hins
þrönga hóps fræðimanna verði þróun fags og tungu að fylgjast að.
Sagnfræði gegni mikilvægu samfélagslegu hlutverki og því sé mik-
saga og útgáfa fræðitímarita á 21. öld 41
6 Vef. „Om tidsskriftet,“ tidsskrift.dk/temp. Temp — tidsskrift for historie, sótt
9. september 2022.