Bókatíðindi - 01.12.2018, Blaðsíða 12

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I EndurútgáfaB Ó K A T Í Ð I N D I 2 0 1 8
C

Harry Potter og viskusteinninn
Harry Potter og leyniklefinn
Harry Potter og fanginn frá Azkaban
J.K. Rowling
Þýð.: Helga Haraldsdóttir
Lesari: Jóhann Sigurðarson
Fáum bókum hafa lesendur tekið jafnmiklu ástfóstri við
og bókunum um Harry Potter.
Uppgötvaðu galdraheim þar sem þú kemst í snertingu
við nornir, galdramenn, mugga og bestu vinina Harry,
Ron og Hermione.
Undirbúðu þig undir það að láta Voldemort hræða þig,
að elska að hata Snape og að hlæja með tvíburunum
Fred og George Weasely.
Leggðu af stað í spennandi ævintýri þegar þú hlustar
á sögurnar um drenginn sem lifði í frábærum lestri
Jóhanns Sigurðarsonar!
Fyrstu þrjár bækurnar í bókaflokkinum koma út á árinu
2018 og næstu bækur halda síðan áfram að koma út
með reglulegu millibili fram á vor 2019.
/ H
Storytel
D F
Henri rænt í Rússlandi
Þorgrímur Þráinsson
Enn er lukkudýrinu Henri boðið að horfa á íslenska
karlalandsliðið í fótbolta spila – og nú við Argentínu og
sjálfan Lionel Messi á HM í Moskvu. Hin dularfulla Mía
slæst í för með honum en á leiðinni bíða þeirra gríðar-
miklar svaðilfarir. Fyrri bækurnar um Henri slógu ræki-
lega í gegn og hér kemur æsispennandi framhald.
156 bls.
Forlagið – Mál og menning
G
Hin illa arfleifð
Thomas Enger
Þýð.: Örn Þ. Þorvarðarson
Julie hefur aldrei séð föður sinn og móðir hennar þolir
hvorki birtu né hávaða. Líf hennar er því langt frá því að
vera venjulegt. Hún býr með afa sínum í stóru húsi, og
er lögð í einelti í skólanum.
302 bls.
Bókaormurinn
D
Gilitrutt barnaópera
Salka Guðmundsdóttir
Myndskr.: Heiða Rafnsdóttir
Tónlist: Hildigunnur Rúnarsdóttir
Þjóðsöguna um Gilitrutt þarf vart að kynna fyrir Íslend-
ingum en hér færa höfundar hana örlítið nær nútím-
anum, án þess þó að segja skilið við þjóðleg einkenni
sögunnar sem er hér sögð í formi óperu með skemmti-
legri og léttri tónlist. Texti er í bundnu máli sem heldur
uppi spennu allt til enda þótt húmorinn sé aldrei langt
undan. Bókin er fagurlega skreytt myndum og á vel
heima í bókahillum allra barna sem vilja kynnast gömlu
þjóðsögunum í nýjum og spennandi búningi.
56 bls. / Geisladiskur með upplestri fylgir með.
Töfrahurð
D
Fegurstu Grimmsævintýri
Fegurstu ævintýri H.C. Andersen
H.C. Andersen
Þýð.: Dagbjört Ásgeirsdóttir og Þorgrímur Kári Snævarr
Söfn ævintýra með fallegum teikningum.
15 ævintýri í hvorri bók; önnur með sögur samdar
af H.C. Andersen og hin með ævintýri skrásett af
Grimmsbræðrum.
Óðinsauga útgáfa
D
Handbók fyrir ofurhetjur –
2. hluti: Rauða gríman
Elias Vahlund og Agnes Vahlund
Þýð.: Ingunn Snædal
Ef mann dreymir nógu lengi um eitthvað sérstakt rætist
draumurinn að lokum.
Það er komin ný ofurhetja í bæinn. Börnin í skól-
anum hrífast af Rauðu grímunni sem flýgur um og tekst
á við bófa. Þau hafa ekki hugmynd um að hún er Lísa
bekkjarsystir þeirra, sem alltaf er strítt. Lísa hefur verið
að æfa sig í ofurkröftum – en nú stendur hún frammi
fyrir sínu erfiðasta verkefni. Hröð, spennandi og
skemmtileg saga um stúlku sem grípur til sinna ráða.
104 bls.
Drápa
D
Handbók fyrir ofurhetjur – 3. hluti: Alein
Elias Vahlund og Agnes Vahlund
Þýð.: Ingunn Snædal
Að vera ofurhetjan Rauða gríman hefur breytt öllu fyrir
Lísu. Hún hefur öðlast áður ófundið sjálfstraust – en er
samt ennþá einmana.
Á sama tíma óttast allir ræningjar og aðrir glæpa-
menn í Rósahæð að verða handsamaðir af hinni dular-
fullu ofurhetju. Allir nema hættulegasti glæpaforinginn
í bænum. Hann er orðinn þreyttur á afskiptum Rauðu
grímunnar og ákveður að stöðva hana!
Hröð, spennandi og hjartnæm saga um stelpu sem
tekur málin í eigin hendur.
104 bls.
Drápa
24. OG 25.
12
Barnabækur SK ÁLDVERK