Bókatíðindi - 01.12.2018, Page 26

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I EndurútgáfaB Ó K A T Í Ð I N D I 2 0 1 8
D F
Heklugjá
Leiðarvísir að eldinum
Ófeigur Sigurðsson
Rithöfundur gengur dag hvern á Þjóðskjalasafnið, les
sér til um stórmenni og sérvitringa fortíðar og lætur sig
dreyma um stúlku sem vinnur á safninu. Heklugjá er
ævintýraleg saga um leit að hamingjunni, fyndin, djúp
og meistaralega skrifuð. Frumleg könnunarferð um
náttúru mannsins eftir Ófeig Sigurðsson, höfund met-
sölu- og verðlaunabókarinnar Öræfa.
414 bls.
Forlagið – Mál og menning
D
Hið heilaga orð
Sigríður Hagalín Björnsdóttir
Ung kona hverfur frá nýfæddu barni sínu og bróðir
hennar leggur í leit að henni. Hið heilaga orð er spenn-
andi saga um ástríður og lestur, flótta og ferðalög, og
undursamleg völundarhús mannshugans. Sigríður
Hagalín er fréttamaður á Ríkisútvarpinu.
Fyrsta bók hennar, Eyland, vakti verðskuldaða athygli
og kemur nú út víða um Evrópu. Hið heilaga orð seldist
til nokkurra landa á meðan Bókatíðindi þessi voru í
prentun.
272 bls.
Benedikt bókaútgáfa
F I
Hilma
Óskar Guðmundsson
Ný og endurskoðuð útgáfa á verðlaunabók Óskars sem
valin var Besta glæpasaga ársins 2015. „Hilma er með
minnisstæðari karakterum sem íslenskir spennusagna-
höfundar hafa galdrað fram.“ Kristjón K. Guðjónsson/
pressan.is
455 bls.
Bjartur
E
Himnaríki og helvíti – Þríleikur
Jón Kalmann Stefánsson
Sögusviðið er sjávarþorp um þarsíðustu aldamót. Það
er vetur. Besti vinur Stráksins hefur frosið í hel á hafi
úti. Nú er hann einn í heiminum með alla sína drauma.
Við fylgjumst með honum á torfærri leið til fullorðins-
áranna og ástarinnar, sem er bæði ljúf og forboðin.
Þríleikurinn Himnaríki og helvíti, Harmur englanna og
Hjarta mannsins á einni bók.
832 bls.
Benedikt bókaútgáfa
D
Hin hliðin
Guðjón Ragnar Jónasson
Hin hliðin geymir örsögur úr menningarheimi sem
mörgum er hulinn. Hér birtast grátbroslegar svip-
myndir úr leikhúsi næturlífsins ásamt minningabrotum
úr réttindabaráttu hinsegin fólks. Örvæntingarsúlan og
eftirvæntingarsúlan, tannhvassar drottningar, rassragir
menn til forna og óvissuferðir í grænan lund er meðal
þess sem hér ber á góma.
95 bls.
Bókaútgáfan Sæmundur
D F C
Hans Blær
Eiríkur Örn Norðdahl
Lesari: Eiríkur Örn Norðdahl
Hans Blær er 33 ára gamalt trans nettröll á æsilegum
flótta undan réttvísinni og samfélaginu öllu. Allir hafa
skoðun á því sem hán hefur gert – nema kannski hán
sjálft sem er fyrst og fremst frjálst. Eiríkur Örn Norð-
dahl stendur í fremstu röð íslenskra samtímahöfunda
og hafa bækur hans komið út og hlotið margs konar
viðurkenningar um allan heim. Hér skoðar hann sam-
tíma okkar með fránum augum nettröllsins Hans
Blævar sem allt sér og engum hlífir.
335 bls. / H 10:00 klst.
Forlagið – Mál og menning
E F I
Haust í Skírisskógi
Þorsteinn frá Hamri
Þessi fjörlega skáldsaga Þorsteins frá Hamri kom
fyrst út 1980; óvenjuleg ævintýrasaga ofin úr litríkum
þráðum úr sögu og samtíð. Bókin er gefin út á ný í til-
efni þess að sextíu ár eru liðin frá því að fyrsta ljóðabók
Þorsteins kom út og sjálfur hefði hann orðið áttræður í
ár, en hann lést í ársbyrjun. Hermann Stefánsson skrifar
inngang að sögunni.
153 bls.
Forlagið
D C
Hljóðbók frá Storytel
Hefnd
Kári Valtýsson
Árið 1866 hrekst Gunnar Kjartansson lögreglumaður
frá Reykjavík eftir voveiflega atburði. Hann endar í
Ameríku við að leggja járnbraut yfir óravíðáttur vest-
ursins. Á grimmum stað kvikna grimm örlög. Gunnar
verður að grípa til vopna og þegar hann er orðinn skot-
spónn gegndarlauss hefndarþorsta færasta stríðsmanns
Cheyenne-indíananna, Gráa-Úlfs, er uppgjör í aðsigi.
Hefnd er óumflýjanleg!
Bókin fæst einnig sem hljóðbók. Lesari Davíð
Guðbrandsson.
276 bls. / H
Sögur útgáfa
D F
Heiður
Sólveig Jónsdóttir
Heiður hefur ekki séð eða heyrt í bróður sínum í 28 ár
þegar hann hefur loks samband og biður um hjálp. Hún
heldur af stað til Norður-Írlands í þeirri von að fá svar
við spurningunni sem alla tíð hefur brunnið á henni:
Hvers vegna yfirgaf faðir þeirra friðsælt fjölskyldulífið
í Reykjavík til að verja heiður fólksins síns í heima-
landinu? Spennandi skáldsaga um róstusama tíma og
rótlaust fólk.
253 bls.
Forlagið – Mál og menning
E F
Heimsendir: ferðasaga
Guðmundur Steingrímsson
Leifur Eiríksson blaðamaður býður kærustunni, tattó-
veruðu sveitastelpunni Unni, til Ameríku.
„Snjöll, ófyrirsjáanleg, fyndin og skemmtilega ófor-
skömmuð.“ ÁBS/DV ★★★★
„Heimsendir er skemmtileg skáldsaga ... Vel skrifuð
og textinn er hugmyndaríkur og fyndinn.“ Mbl.
168 bls.
Bjartur
26
Skáldverk ÍSLENSK