Bókatíðindi - 01.12.2018, Qupperneq 42

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I EndurútgáfaB Ó K A T Í Ð I N D I 2 0 1 8
G
Dansað í Ódessa
Ilya Kaminsky
Þýð.: Sigurður Pálsson og Sölvi Björn Sigurðsson
Dansað í Ódessa eftir rússnesk-bandaríska skáldið Ilya
Kaminsky var síðasta verkið sem Sigurður Pálsson vann
að, en auðnaðist ekki að ljúka þrátt fyrir ómælda elju
allt til hinsta dags. Þegar ljóst varð að lítið vantaði upp
á til að klára bókina til útgáfu, kom Sölvi Björn Sigurðs-
son að verkinu, þýddi það sem út af stóð og ritaði
formála. Óvenjuleg og tilfinningarík ljóðabók um töfra-
heima jafnt sem harðneskju bernskuáranna. Verk sem
hlotið hefur mikið lof og fjölda verðlauna.
76 bls.
Dimma
G I
Dauðinn í veiðarfæraskúrnum
Elísabet Jökulsdóttir
Elísabet Jökulsdóttir hefur sent frá sér ljóðabækur og
önnur skáldverk sem hlotið hafa góðar viðtökur og
síðasta bók hennar, Enginn dans við Ufsaklett, hlaut
Fjöruverðlaunin og var tilnefnd til Bókmenntaverðlauna
Norðurlandaráðs. Hér yrkir hún um síðustu dagana í lífi
móður sinnar, Jóhönnu Kristjónsdóttur, ástvinamissi,
tilfinningar og sambönd.
48 bls.
Forlagið – JPV útgáfa
E
Eldgos í aðsigi
Imminent Eruption
Vala Hafstað
„Að koma heim eftir þrjátíu ár/er eins og að mæta
á grímuball“ skrifar Vala Hafstað, sem bjó í Banda-
ríkjunum í þrjá áratugi áður en hún fluttist aftur heim.
Eldgos í aðsigi er önnur ljóðabók Völu, en að auki hafa
fjölmörg ljóða hennar birst á netinu. Í þessari tvítyngdu
bók lýsir hún umskiptunum frá bandarísku úthverfi
í íslenskan veruleika þar sem óbeisluð náttúruöflin
endurspegla oft lífið sjálft.
106 bls.
Bókaútgáfan Sæmundur
G
Ellefti snertur af yfirsýn
Ísak Harðarson
Ísak Harðarson sendir nú frá sér sína elleftu ljóðabók
eftir níu ára hlé. Bókin geymir myndræn, einlæg og oft
gáskafull ljóð um furður lífsins – ort er um allsherjar-
missi, hrun og tóm og efsta dag, en líka um ást og von
og sjálfa hamingjuna. Síðasta ljóðabók Ísaks, Rennur
upp um nótt frá 2009, var tilnefnd til Bókmenntaverð-
launa Norðurlandaráðs.
55 bls.
Forlagið – JPV útgáfa
G
Enn logar jökull
Matthías Johannessen
Hér er ort um landið, tjaldskör tímans og tekist á við
ellina með skírskotun til Egils.
Við erum lifandi steingervingar/ vaxnir af holdi og
beinum/ þeirra sem dreifðust/ um jörðina á tveggja
fóta/ göngu, lögðu undir sig víðáttur/ grámosans sem
faðmar að sér/ hraun og kalda steina, minnist þess/
þegar jörðin logaði af kraumandi tilfinningum/ og
opnaði sárin að sjó/ og Selatöngum.
175 bls.
Bókaútgáfan Sæmundur
Ljóð og leikrit
G
Að lesa ský
Þýð.: Magnús Sigurðsson
Safn ljóða eftir 19 bandarísk skáld, þekkt jafnt sem úr
alfaraleið, og er hið elsta fætt árið 1903 en hið yngsta
1984. Efnistök og umfjöllunarefni eru margvísleg og
endurspegla ólíkan reynsluheim skáldanna – allt frá
múslimskum bakgrunni Naomi Shihab Nye og ádeilu-
ljóðum Amiri Baraka, til hins skoplega hversdags í
prósaljóðum Lydiu Davis og náttúrustemminga Mary
Oliver.
210 bls.
Dimma
D F
Að ljóði munt þú verða
Steinunn Sigurðardóttir
Tíunda ljóðabók eins helsta skálds þjóðarinnar.
„Náttúruljóð Steinunnar gætu ein og sér skipað henni
í fremstu röð íslenskra ljóðskálda því sýn hennar á
íslenska náttúru er ætíð fersk, oft óvænt og aldrei
klisjukennd.“ Soff ía Auður Birgisdóttir
80 bls.
Bjartur
D
Áratök tímans
Steinunn Ásmundsdóttir
Bókin skiptist í þrjá kafla eftir efni ljóðanna, Heima-
land, Útland og Innland. Flest ljóðin eru ný, hafa orðið
til á tveimur síðustu árum og eru líkleg til að koma
lesendum á óvart. Steinunn vakti athygli sem ljóðskáld
ung að aldri og hafði um þrítugt sent frá sér þrjár ljóða-
bækur. Með þessari nýju bók er rofin tveggja áratuga
þögn hennar á vettvangi skáldskaparins. Hugverkavefur
Steinunnar er: www.yrkir.is
88 bls.
Félag ljóðaunnenda á Austurlandi
D
Dagur Sigurðarson
Ritsafn 1957–1994
Dagur Sigurðarson
Dagur Sigurðarson var eitt framsæknasta skáld á Íslandi
á sinni tíð og varð mikið eftirlæti skáldakynslóðanna
sem komu á eftir honum. Það er mikill fengur í þessu
ritsafni sem inniheldur allar útgefnar ljóðabækur hans
en líka efni sem aðeins birtist í tímaritum. Hér er einn-
ig prentaður í fyrsta sinn óperutextinn Reköldin sem
Dagur hafði nýlokið við þegar hann lést. Í bókinni eru
fjölmargar myndir af málverkum hans og teikningum,
auk ljósmynda af manninum sjálfum. Einar Ólafsson
skáld ritaði formála.
400 bls.
Forlagið – Mál og menning
42