Íslenska leiðin - 01.11.2020, Blaðsíða 4

4
Ávarp ritstjóra
Kæru samnemendur.
Það er algeng klisja að hefja ritstjór-
narávarp sem þetta á lýsingum á því
hvað útgáfa blaðsins hafi verið strem-
bin og hvað léttirinn sé mikill að sjá það
loks gefið út. Slíkt ætlaði ég mér ekki að
gera þegar ég tók við stjórnartaumu-
num en ég verð hreinlega að viðurke-
nna að ég hef sjaldan á ævinni verið
jafn feginn að klára verkefni eins og
þetta tímarit sem hefur verið næstum
jafn erfitt og að reka íslenskt flugfélag,
ímynda ég mér að minnsta kosti. Það
er því mikil gleði að sjá afraksturinn
loksins gefinn út eftir langa og erfiða
fæðingu þar sem útgáfunni hefur ve-
rið frestað nokkrum sinnum vegna
kórónuveirunnar með tilheyrandi au-
kavinnu og veseni fyrir ritstjórn, pistla-
höfunda og viðmælendur.
Stjórnmál eru eins og alltaf megin-
viðfangsefni Íslensku leiðarinnar og
er þetta tölublað þar engin undan-
tekning. Það hefur verið áhugavert og
lærdómsríkt að fá að sjá hversu víð-
tækt og breytilegt viðfangsefni stjórn-
mál er og hve ótrúlega margt er undir
þegar skrifa á heilt blað um stjórnmál.
Þar sannast algjörlega frasinn um
hvað stjórnmálafræðin er fjölbreytt og
gagnlegt nám.
Ég vil þakka öllum þeim sem lögðu
hönd á plóg við gerð blaðsins kærlega
fyrir að gefa sér tíma til að sinna beið-
num okkar sem voru töluvert margar
og örugglega ekki allar jafn spennan-
di. Ritstjórnin á einnig mikið hrós ski-
lið fyrir að standa í lappirnar og sigla
blaðinu farsællega í höfn með mikla
jákvæðni og þolinmæði að vopni.
Ég vona innilega að þið hafið gagn
og gaman af því að lesa blaðið og að
komandi skólaár muni verða bæði
skemmtilegt og eftirminnilegt þrátt fyrir
ýmsar krefjandi takmarkanir. Njótið vel!
Óskar Örn Bragason,
ritstjóri Íslensku leiðarinnar
Ritstjórn
Íslensku
leiðarinnar
2019 -2020
Jóhannes Guðmundsson Óskar Örn Bragason
Rakel Una Freysdóttir Rán Birgisdóttir Valgeir Bragi Þórarinsson