Flug : tímarit um flugmál - 01.08.1949, Blaðsíða 11
benzín, sem ég hafði látið senda þangað. Síðan héld-
um af stað aftur, og ætlaði ég nú að fljúga yfir
Kamba til Reykjavíkur, en þegar þangað kom, lá
þoka yfir öllum fjallgarðinum, og eftir að hafa flogið
þarna um og athugað rnálið, virtist mér allar leiðir
til Reykjavíkur lokaðar vegna þoku. Nú var líka
óðum að skyggja. Ég varð því að hafa hraðann á,
að sjá mér út stað til að lenda á. Ég hafði tekið eftir
því á leiðinni suður, að fyrir austan Stokkseyri var
ágætur staður til að lenda á, flaug nú beina leið
þangað og lenti og gekk það vel. Þetta var rétt fyrir
neðan bæinn á Loftsstöðum, en þegar ég lenti var
orðið svo dimrnt, að varla sá heim að bænum. Þar
gistum við um nóttina.
Næsta morgun, þriðjudaginn 15. ágúst, flugum við
til Revkjavíkur og lenturn þar í Vatnsmýrinni. Þar
með var þessari ferð lokið.
Ég þarf víst ekki að taka það fram, að við stóðum
niðri á hafnarbakkanum í Reykjavík, þegar Esjan
lagði upp að honum.
Síðan að ég flaug þessa ferð, eru liðin tíu ár, en
á þessum tíu árum hefir flugið tekið svo stórkostleg-
um framförum, og orðið svo mikilvirkt farartæki, að
ekki verður um deilt. Nú fljúga flugvélar búnar full-
komnum blindflugstækjum alveg án tafa af þoku eða
rigningu daglega um landið þvert og endilangt, og
heimsálfanna á milli með fullu öryggi.
í sambandi við það, sem ég hefi sagt hér frá, vil
ég benda hinurn ungu en djörfu flugmönnum okk-
ar á, að ekki er það ráðlegt, að fljúga lágflug í þoku
með símalínur sem leiðarvísi, slíkt er ekki til eftir-
breytni og getur haft alvarlegar afleiðingar. Enda
munu þegar hafa hlotizt slvs af slíku lágflugi hér.
Við skulurn láta reynslu og óhöpp annarra okkur
að kenningu verða, og fljúga með fullu öryggi og
þekkingu á flugleiðum framtíðarinnar.
í ágúst 1949.
í síðasta tölublaði FLUGS var reynt að gefa lesendum lýs-
ingu á hinni merkilegu De Havilland Comet, eftir þeim fáu
upplýsingum, sem þá voru fyrir hendi. Hefir Comet síðan
flogið og birtist hér mynd af henni.
FLU&PÓSTUBINN
Blaðinu hafa borizt nokkur bréf frá áhugamönnum flug-
málanna og eru bréf þeirra mjög vinsamleg í garð FLUGS.
Við viljum hvetja alla, sem áhuga hafa á flugmálunum, að
skrifa blaðinu um áhugamál sín á sviði flugsins.
Meðal þeirra bréfa, sem okkur hafa borizt, eru bréf frá
mönnum, sem að frjálsum vilja hafa safnað áskrifendum í sveit
sinni. Vill blaðið sérstaklega þakka þeim mikilvægt starf í
þágu blaðsins og tökum við með þökkum slíkri hjálp frá
áhugamönnum.
Hérna koma tvö bréf frá áskrifendum FLUGS:
Tímaritið FLUG.
Eins og þér vitið, hefi ég verið áskrifandi að blaði yðar frá
byrjun og hefi ég ætlað mér að vera það áfram, þar sem ég
álit, að skemmtilegra og fróðleiksmeira tímarit sé ekki gefið
út hér á íslandi.
Tilgangur minn með þessu bréfi er að tilkynna yður bústaða-
skipti mín. Áður átti ég heima í bakaríinu á Blönduósi, en
nú er ég fluttui til Akureyrar, í Norðurgötu 16. Vil ég taka
það fram, að þrátt fyrir þetta fékk ég síðasta blað með góðum
skilum, og vona ég einnig, að þér hafið skilvíslega fengið
áskriftargjaldið.
Að síðustu vil ég óska tímaritinu alls þess bezta í komandi
framtíð.
Virðingarfyllst,
Reynir VaJdimarsson.
Svar: Við þökkum hinar góðu óskir þínar og ummæli um
blaðið, og vonum við, að við getum orðið þér og hinum mörgu
áskrifendum til skemmtunar og fróðleiks. Áskriftargjaldið er
móttekið með þökkum.
Blaðið FLUG. "
Er ég frétti um að ný útgáfa af FLUGI stæði fyrir dyrum,
fannst mér rétt að leggja þessu málgagni flugsins á íslandi
ofurlítið lið, ef mögulegt væri, og tókst mér að útvega því
14 fasta áskrifendur og fylgja nöfn þeirra hér eftir
(Síðan koma nöfn hinna 14 nýju áskrifenda.)
Með kærri kveðju.
Sig. Steindórsson,
c/o Loftleiðir, Akureyri.
Svar: Við þökkum þér kærlega fyrir þann mikla skerf, sem
þú liefir lagt til FLUGS, og er okkur ljúft að játa, að á slíkum
áhugamönnum byggist tilvera blaðsins að miklu leyti. Við
vonum, að áhugi þinn fyrir velgengni FLUGS hvetji aðra, sem
áhuga hafa á flugmálunum, að hefja allsherjar sókn í öflun
áskrifenda. Ef hver kemur með einn áskrifenda (hvað þá 14),
er útkoma blaðsins örugg.
Til áskrifenda:
Skrifið blaðinu um áhugamál ykkar viðvíkjandi fluginu.
FLUG - 9