Flug : tímarit um flugmál - 01.08.1949, Blaðsíða 46
Helicopterinn á flugi.
um björgunaraðferðum, og segist vonast eftir að Heli-
copterinn verði tekinn í notkun hið allra fyrsta. —
Anton Axelsson flugmaður, sem hefir samtals flogið
sem næst 2500 flugstundir, ýmsum tegundum flug-
véla, og hefir þegar fengið nógu mikla reynslu til
þess að geta tekið próf á Helicopterinn, segir, að það
sé jafnvel auðveldara að fljúga Helicopter en venju-
legum flugvélum. Anton Axelsson er sammála Karli
Eiríkssyni um það, að Helicopterinn sé tæki, sem
ávallt eigi að vera á íslandi reiðubúið til björgunar,
landhelgisgæzlu og ýmsrar annarrar starfsemi.
, Formaður flugráðs, hr. Agnar Kofoed-Hansen, hefir
látið í Ijósi við „Flug“ ánægju sína yfir árangri til-
raunarinnar í sumar. Því miður hefir ekki náðst til
annarra meðlima flugráðs, en eftir því sem hevrzt
hefir, er mikill áhugi fyrir því að Helicopterinn verði
kvrr í landinu, en ekki endursendur, enda mikil hætta
á að dráttur verði á framkvæmdum, ef þessu tækifæri
er sleppt.
Að öllu þessu samanlögðu virðist ekki vera nokkur
vafi á að þeir menn, sem bezt hafa kynnt sér þetta
mál, séu sammála um að mikla nauðsyn beri til að
hafa ávallt Helicopterflugvél til taks hér á landi, ef
vandasama björgun ber að höndum, og að hægt sé
að nota slíka vél með miklum árahgri til landhelgis-
gæzlu.
Álit blaðsins er, að þetta mál þoli enga bið, því
að slysin gera ekki boð á undan sér.
44 - FLUG