Heimili og skóli - 01.08.1960, Qupperneq 18

62
HEIMILI OG SKÓLI
ingaspjöld fyrir byrjendur í lestri eftir
Jón Júlíus Þorsteinsson kennara á Ak-
ureyri.
Þá er í undirbúningi að taka saman
nýja málfrœði handa barnaskólum, og
munu þeir Jónas B. Jónsson og Árni
Þórðarson annast það. Þar verður án
efa að verulegu leyti byggt á þeirri
málfræði, sem nú er í notkun. En
þessi nýja málfræði verður miklu
styttri. Hugsanlegt er, að þessi bók
komi út á næsta ári.
Ný skólaljóð eru einnig í undirbún-
ingi. Ljóðaval annast Kristján J.
Gunnarsson. Hann ritar einnig ævi-
ágrip skáldanna og ljóðaskýringar.
Rætt hefur verið um að vanda þessa
útgáfu sérstaklega, — myndskreyta
hana og ef til vill hafa bókina í bandi.
Skólaljóð ættu vissulega að vera ein
þeirra bóka, sem nemendur hefðu
ánægju af að eiga lengur en á meðan
þeir sitja á skólabekk. Áætlað er, að
þessar tvær bækur komi út fyrir lok
næsta árs.
Þá hefur útgáfan nýlega keypt hand-
rit að íslenzkri bókmenntasögu, sem
ncer yfir tímabilið 1150—1950. Er hún
eftir Erlend Jónsson, kennara við
Gagnfræðaskóla Austurbæjar. Bók
þessi mun sennilega koma út næsta
haust. 'Þótt hér verði um framhalds-
skólabók að ræða, vona ég að bama-
skólum þyki fengur að fá hana og geti
notað hana að einhverju leyti sem
handbók.
— Er pað rétt, að von sé á nýrri Is-
landssögu?
— Já, það er nú á döfinni. Árið
1958 var gefin út „íslandssaga 1874—
1944“ eftir Þorstein M. Jónsson. Hún
er einkum ætluð 13 ára nemendum og
er fyrsta íslandssagan, sem gefin hefur
verið út um þetta tímabil, fyrir nem-
endur á þessu skeiði.
Þá hefur útgáfan nýlega gert samn-
ing við Þórleif Bjarnason um að semja
íslandssögu, er nái yfir tímabilið frá
upphafi íslandsbyggðar og að minnsta
kosti til 1944. Að forfallalausu ætti
fyrsta heftið að koma út eftir 2—3 ár.
í sambandi við íslandssöguna vil ég
geta þess, að þrír kennarar vinna nú
að því að taka saman efni í hefti, er
fyrst og fremst á að vera myndir úr
sögu þjóðar okkar með örstuttum skýr-
ingartextum. Þetta hefti er ekki hugs-
að sem kennslubók, heldur sem eins
konar hjálparbók við kennslu 8 og 9
ára barna. Hér er um nýjung að ræða,
eða réttara sagt tilraun. Á þessu stigi
málsins get ég ekki sagt, hvort þessi
tilraun tekst.
— Öllu þessu mun fagnað, en er
von á nokkrum nýjum reikningsbók-
um?
— Ekki höfum við gleymt þeim með
öllu, segir forstjórinn. — Á árunum
1957—58 gaf Ríkisútgáfan út þrjú
hefti af ,Jzg get reiknað“, vinnu- og
æfingabók fyrir byrjendur í reikningi
eftir Jónas B. Jónsson. Nú hefur ver-
ið leitað til sama höfundar um að taka
saman fyrir útgáfuna kennslu- og æf-
ingabók í reikningi fyrir 7, 8 og 9 ára
böm. Sennilega verður bókin í þrem-
ur heftum og áætla ég, að hið fyrsta
komi út eigi síðar en í byrjun skóla-
ársins 1961—62. Leitað hefur verið til
annars manns um að semja kennslubók
fyrir 10—11 og 12 ára börn. Um það
hefur þó enn ekki verið tekin fullnað-
arákvörðun.
Þá kemur út í haust á vegum út-