Heimili og skóli - 01.08.1960, Blaðsíða 44

88
HEIMILI OG SKÓLI
Bœkur og rit
Skólaskýrsla, Barna- og gagnfrœðaskólar
Reykjavíkur.
Útgefandi: Fræðsluskrifstofa Reykjavíkur.
Þetta er myndarlegt rit um 70 blaðsíður að
stærð og prýtt fjölda mynda úr skólastarfinu.
Þarna er saman kominn geysilegur fróðleikur
um skólastarfið í höfuðstaðnum á árunum
1957—1959. Þarna er glöggt yfirlit um skóla-
byggingar og skólahúsnæði, fjölda nemenda
og kennaraskrá við alla skólana. Þá er þarna
skýrsla um stundafjölda nemenda, próf og
kennslu í ýmsum greinum fyrir afbrigðileg
börn. Þá er sagt frá heilsugæzlu og félagslífi.
Þarna er fjallað um margt fleira varðandi
skólana en hér er hægt að telja upp. Skýrsla
þessi er hin mesta fróðleiksnáma fyrir alla
skólamenn, og rnjög vönduð að öllum frá-
gangi.
iVý kennslubók í dönsku.
Haraldur Magnússon kennari og Erik
Sönderholm lektor tóku saman. Þetta er önn-
ur útgáfa breytt og prýdd mörgum myndum.
I formála segir, að bókin sé einkum ætluð
nemendum 1. bekkjar unglinga- og gagn-
fræðastigsins. Þess er og getið, að hún sé með
nokkuð öðru sniði en eldri kennslubækur
eru. í þessari bók hefur verið reynt að þræða
meðalhófið, þannig að reynt er að stilla mál-
fræðistagli í hóf, svo að bókin geti orðið
læsilegri og skemmtilegri. Gert er ráð fyrir
að bók þessi sé notuð sem eins konar hand-
bók, þegar nemandinn byrjar á stílagerð.
Blik, ársrit Gagnfraðaskólans
í Vestmannaeyjum.
Heimili og skóla hefur borizt þetta mynd-
arlega rit, samtals 222 blaðsíður. Ritið hefst
á mjög athyglisverðri hugvekju eftir ritstjór-
ann, Þorstein Þ. Víglundsson skólastjóra.
Þessi hugvekja fjallar um mikilvægi bindind-
is skólaæskunnar, og eru tilgreind átakanleg
dæmi um áhrif eiturnautnanna á börn og
unglinga. Þessi grein ætti erindi til margra
foreldra. Þá eru minningargreinar um þrjá
látna nemendur skólans.
Þá kemur annar kafla af hinni fróðlegu
grein: Saga barnafræðslunnar í Vestmanna-
eyjum. Sagan nær yfir tímabilið 1800—1880.
Greinin er eftir ritstjórann. Þá er þáttur urn
Tóta í Berjanesi, éinn af þessum kynlegu
kvistum.
Næsta grein er þáttur um Sigurð Sigur-
finnsson hreppstjóra og konu hans. Þá kemur
fróðleg grein, sem heitir: Saga ísfélag Vest-
mannaeyja eftir ritstjórann. Alllöng grein,
þar sem margir merkir menn koma við sögu,
og eru birtar myndir af þeim. Þá er Þáttur
nemenda, stuttar ritgerðir og sögur, er nem-
endur hafa ritað. Næst kemur Skólaferðalag-
ið 1959 eftir einn nemandann, Brynju Hlíð-
ar. Þá er alllöng grein: Þórarinn Hafliðason,
fyrsti mormónatrúboði í Vestmannaeyjum,
eftir Sigfús M. Johnsen. Enn eru margar
greinar ótaldar. Ritið er prýtt fjölda mynda
og hið merkasta heimildarrit um sögu Vest-
mannaeyja. Það er skólanum til sóma.
HEIMILI OG SKÓLI
TÍMARIT UM UPPELDISMÁL
Útgefandi: Kennarafélag Eyjafjarðar.
Ritið kemur út i 6 heftum á ári, minnst
24 síður hvert hefti, og kostar árgang-
urinn kr. 35.00, er greiðist fyrir 1. júní.
Útgáfustjórn:
Hannes J. Magnússon, skólastjóri.
Eiríkur Sigurðsson, skólastjóri.
Páll Gunnarsson, kennari.
Afgreiðslu- og innheimtumaður:
Árni Björnsson, kennari, Þórunn-
arstræti 103, Akureyri.
Ritstjóri:
Hannes J. Magnússon, skólastjóri.
Pósthólf 183. Akureyri. Sími 1174.
Prentverk Odds Björnssonar h.f.