Læknaneminn - 01.10.1975, Blaðsíða 64

Um kennslubœkur
Bacteriology (sýklufrteði).
Undirritaður þekkir að einhverju leyti aðeins tvo
texta í greininni:
1. Bacteriology and immunology lor students of
medicine. F. S. Steward. Útg. Balliére, Tindall
and Casell.
2. Review of medical microbiology. E. Jawetz o.
fl. Utg. Lange medical puplications.
Nokkra grein má strax gera sér fyrir uppbyggingu
þessara tveggja bóka með því að athuga síðufjölda
þess efnis, sem farið er yfir í fyrirlestrum.
Steward: Almennir kaflar u. þ . b. 110 bls. Ætt-
lýsing u .þ. b. 175 bls.
Jawetz: Almennir kaflar u. þ. b. 150 bls. (dreift
um bókina). Ættlýsing u. þ. b. 70 bls.
Að mati undirritaðs eru almennu kaflarnir í báð-
um bókunum í heild sinni of fyrirferðarmiklir. Mikill
munur er þó á efnisinnihaldi þeirra milli bókanna.
Má e. t. v. segja, að það endurspegli nokkuð efnis-
legan grundvöll þeirra. Jawetz byggir á tiltölulega
breiðum líffræðilegum/kenningarlegum grundvelli,
en Steward á mun þrengri læknisfræðilegum/hagnýt-
um grundvelli. Standist þessar alhæfingar, leiðir af
sjálfu sér, að Jawetz höfðar meira til þeirra, sem
hafa almennan liffræðilegan áhuga á sýklafræðinni,
(ýtarlegir kaflar um genetik, metabolisma, bakterio-
faga o. fl.). Steward á hinsvegar betur við þá, sem
líta á fagið sem læknisfræðilega hliðargrein.
Hvað viðkemur ættlýsingunni verður Jawetz að
teljast heldur stuttaralegur og Steward að sama
skapi langorður. Menn verða svo að gera það upp
við sig, hvort þeir vilji frekar lesa samanþj appaðan
texta og bæta við bann úr öðrum áttum eða vinsa
aðalatriðin úr lengri texta.
Hvað varðar klínisk tengsl verður Steward að
teljast fyllri texti. Hinsvegar er lítið lagt upp úr
klínik í þessum kúrs og líklegt, að menn lesi sína
klínisku sýklafræði í þeim klínisku textum er þeir
lesa síðar í námi.
Ef þessar tvær bækur eru bornar saman m. t. t.
fyrirlestra Arinbjarnar Kolbeinssonar og uppbygg-
ingu prófsins í greininni, kemur í ljós að fyrirlestr-
arnir fara mun nær efnistökum Stewards. Arinl)jörn
prófar að miklu leyti úr fyrirlestrunum, þannig að
undirritaður ráðleggur þeim, sem ekki sækja fyrir-
lestrana að lesa frekar Steward. Fyrir þá, sem
sækja fyrirlestrana verður að vísast til ofanritaðs um
efnislegan grundvöll bókanna.
Um bækurnar almennt má segja, að hvorug þeirra
er neinn skemmtilestur. Steward er þó heldur þvælu-
kenndari, ef nokkuð er. Hvorug bókanna getur stært
sig af góðum skýringarmyndum eða töflum, en Ja-
wetz er þó mun skárri í þeim efnum.
Þorvaldur Jónsson.
Pathology (líffíeratneinafrœði).
1. Basic pathology, 579 bls. Robbins, Angel. Útg.
Saunders.
Þelta er sú bók, sem síðustu ár hefur verið lögð
til grundvallar við líffærameinafræðikennslu hér.
Bókin leggur áherslu á klínisk einkenni sjúkdóma,
og er efni hennar að hluta raðað niður eftir þeim.
Þetta gerir bókina skemmtilega aflestrar og hag-
nýta. Einnig eru fjögur mikilvæg krabbamein: ristils,
lungna, legháls og brjósta, skýrð með ýtarlegum
sjúkratilfellum, sem þó eru of mikið á kostnað al-
mennra upplýsinga um þessa sjúkdóma, sérstaklega
hvað viökemur brjóstkrabba.
Að öðru leyti fjallar bókin fullnægjandi um flest
það, sem farið er yfir í fyrirlestrum, að undan-
skilinni meinafræði taugakerfisins, sem höfundar
telja betur geymda í sérhæfðri kennslubók.
2. Pathologic basis of disease, 1595 bls. Robbins.
Útg. Saunders.
52
LÆKNANEMINN