Læknaneminn - 01.10.1975, Síða 70

Frá ráðningastjóra
í apríl og maí reyndist ókleift að sinna öllu
framboði, sem var á vinnu þennan tíma. Kom það
einkum til af tvennu, skipulagi og stirðleika nýju
reglugerðarinnar og áhugaleysi manna á síðasta ári
gömlu reglugerðarinnar. Þessir menn tóku fáar stöð-
ur á fyrrgreindu tímabili og aðeins tvær og hálfa í
júní og júlí. (Skilgreining: „staða“ þýðir mánaðar-
staða fyrir einn mann.). Sumarfrí þeirra stúdenta,
er fóru á sjötta ár hófst um miðjan júní og lauk
31. ágúst, þ. e. tveir og hálfur mánuður. 35 (af 37)
þeirra lýstu vilja á vinnu í að meðaltali einn og
hálfan mánuð og fengu það. Þessir 35 hafa að með-
altali unnið tæplega tvo mánuði hver frá áramótum.
Sumarfrí þeirra stúdenta, er fóru á fimmta ár var
þrír og hálfur mánuður, hófst í byrjun júní og lauk
14. september. Þeir höfðu allir nema þrír, eða 36
lýst áhuga á að vinna sem mest af þessum tíma. Þeir
hafa fengið að meðaltali tvær og hálfa stöðu hver.
Einn læknanemi, Orn Elíasson, sem stundar nám
í Frakklandi, fékk tvær stöður fyrir milligöngu
ráðningastjóra, og að minnsta kosti tveir stúdentar,
sem eru við nám á Norðurlöndum, fengu stöður úti
á landi án þess að snúa sér til Félags læknanema.
Þessir menn eru allir í síðasta hluta.
Nokkurrar svartsýni gætti um vinnuhorfur fyrir
framangreinda hópa í vor. Verður að telja, að vel
hafi úr rætzt, þar sem 146 stöður féllu til stúdenta
yfir sumarmánuðina, þótt 44 nýir kandídatar út-
skrifuðust á þessu ári.
Sumarið 1974 fengu stúdentar 180 mánaðar-
stöður.
Reynt var eftir því, sem kostur var að fylgja þeim
reglum, sem aðalfundur F. L. s. 1. vor setti um ráðn-
ingar, en mjög erfitt reyndist að gera það til hlítar
eða þannig að öllum líkaði. Ekki er mikil breidd
milli þeirra, sem mest höfðu og minnst, með fáum
undantekningum.
Anægjulegt var, hversu vel menn stóðu saman um
ráðningamálin, bæði stúdentar og vinnuveitendur
þeirra, og vil ég þakka öllurn samstarfið. Einnig hef
ég átt gott samstarf við þá kandídata, sem um ráðn-
ingamál hafa fjallað. Aðeins tveir menn, einn á 6.
ári og einn á 5. ári, sniðgengu félaga sína í þessum
efnum og réðu sig beint án samráðs við félagið.
Verður slík hegðun mönnum varla til framdráttar,
þegar fram í sækir. jafn fáir vinnuveitendur tóku
ekki lillit til þeirrar áskorunar, sem send var öllum
hlutaðeigandi aðilum s. 1. vetur, þar sem menn voru
hvattir til að láta óhlutdrægni ríkja í samskiptum
sínum við læknastúdenta.
Allmargir stúdentar unnu við hjúkrunar- og
rannsóknarstörf víða um land, og höfðu þeir for-
gang um þessi störf, er fóru á 4. ár. Eitthvað vantaði
á, að næg slík vinna fengist strax í vor fyrir þá,
sem áhuga höfðu, en þegar líða tók á sumarið snerist
dæmið hins vegar við og fór að bera á skorti á fólki
til að anna eftirspurn um vinnuafl. Hér kann ástand-
ið almennt á vinnumarkaði í vor að hafa haft áhrif,
en einnig kom til, að helztu sumarleyfismánuðirnir
eru ætíð júlí og ágúst. Munu um 40 stúdentar hafa
unnið við slík störf í sumar.
Á næstunni verða sendir út gíróseðlar til að inn-
heimla 400 krónur af hverri stöðu til greiðslu á
kostnaði við störf ráðningastjóra samkv. reglum
félagsins.
Að lokum vil ég geta þess, að ráðningastjóri, að-
stoðarráðningastjóri, og nokkrir aðrir stúdentar
hafa unnið með kennslustj óra að skipulagi og niður-
röðun á kúrsusa, og var það talsvert starf og á stund-
um flókið, því að sumir árstímar eru mun setnari
en aðrir og víða þurfa slúdentar að koma við á leið
sinni í gegn um deildina. Um 180 til 190 læknanem-
ar eru á námskeiðum á Landsspítala, Borgarspítala,
Landakotsspítala, Kleppsspítala og Vífilsstaðaspítala
í vetur og sækja heim fleiri staði.
Helgi Guðbergsson.
58
LÆKNANEMINN