Læknaneminn - 01.04.1979, Qupperneq 46

aS kanna um annað húsnæði í grennd við Lsp. og
komu upp hugmyndir um efstu hæð Austurbæjar-
barnaskólans, en þar hefði hugsanlega verið hægt
að hýsa einnig sjúkraþjálfara- og hjúkrunarnema.
Þetta húsnæði fékkst ekki heldur og sama gilli um
Gagnfræðaskólann við Vonarstræti og húsnæði
Ljósmæðraskólans, sem einnig er illa nýtt.
Að þessum málalokum fengnum var ákveðið að
leggja á hilluna frekari húsaskoðunarferðir að
sinni, en reyna að hressa nokkuð upp á það hús-
næði, sem fyrir er. Nokkur herbergi Tjarnargöt-
unnar voru máluð í fjörlegum litum endurgjalds-
laust af stúdentum, en Hásk. greiddi hráefnið, feng-
inn var þangað símasjálfsali til að makar 6. árs
stúdenta sem þar lesa, svo og ættingjar ættu kost á
einhverju sambandi við þá á veturna, og límd voru
í loftin plastpokarennukerfi til að koma í veg fyrir
bókaskemmdir og óvelkomin steypuböð.
Vonar fráfarandi stjórn að með þeirri næstu
muni fæðast frekari hugmyndir til úrbóta.
Kandidata blokk
S.l. vetur skipaði læknaráð Lsp. nefnd til þess að
kanna orsakir þess að illa gekk að manna kandi-
datsstöður á Landsp. og jafnframt gera tillögur til
úrbóta bæði fyrir spítalann sem stofnun og kandi-
data. Þessi nefnd hefur nú skilað endanlegu áliti
sem læknaráð hefur samþykkt. Hugmyndirnar voru
kynntar á mjög fámennum félagsfundi síðastliðið
vor. Megininntakið er að spítalinn auglýsir 12 árs
stöður f. kandidata sem skulu vinna 3 mán. á lyfl,-
deild, handl.deild, og einni af sét'deildum spítalans.
1 staðinn skuldbindur spítalinn sig til þess að
breyta starfsháttum þannig að kandidatar vinni nán-
ast einvörðu störf, sem menntun þeirra stendur til,
en lætur meinatæknum, riturum, hjúkrunarfólki og
sendla um sín störf. Jafnframt skulu kandidatar
hafa tíma til þess að viðhalda og auka menntun sína.
Daglega skal halda sameiginlega fræðslufundi. Sér-
stakur kennari ráðinn til umsjónar. Asamt fra.m-
angreindu fléttast ýmis fleiri atriði inn í greinat-
gerðina.
Nefndin viðhafði þá óvenjulegu jákvæðu starfs-
aðferð að hafa samband við aðila málsins m.a.
F.L. og F.U.L. I fyrstu mætti nefndin töluverðri
tortryggni ofangreindra aðila, sem töldu að spítal-
inn myndi einungis tryggja sér starfskrafta, og voru
vantrúaðir á að jákvæð atriði samkomulagsins
kæmust í framkvæmd. Bent var á að leysa mætti
kandidataskortinn með því að kippa starfsaðstöðu
þeirra í lag og árs blokk ónauðsynleg. Þegar stjórn-
in hafði kannað málið til hlítar og fengið samþykkt-
ar ýmsar betrumbætur þótti ekki réttlætanlegt að
standa gegn þessari tilraun. Rök málsins með og
móti verða ekki rakin á þessum vettvangi.
Nú dvelur málið hjá stjórn spítalans, sem lækna-
ráðið hefur engin ítök í. Stjórnin gerir ýmsar at-
hugasemdir og þykist m.a. sjá fram á aukin útgjöld.
Kandidatar verði dekurbörn spítalans. Allt er nú
óvíst um framkvæmd hugmyndarinnar. Ef til vill
hefur áhuginn eitthvað minnkað, þar sem nóg fram-
boð virðist nú vera af kandidötum í svipinn.
Þar eð ekkert hafði spurst til málsins í lok febrú-
ar skrifaði stjórnin bréf til stjórnarnefndar ríkis-
spítalanna og lagði áherslu á skjóta ákvarðanatöku
og lýsti yfir stuðningi við tillögu læknaráðs Lsp.
Afrit var sent Læknablaði. Bréf barst að bragði frá
læknaráði, þar sem stuðningurinn er þakkaður, en
jafnframt kvartað yfir því að læknaráðið hafi lílil
ítök í stjórnarnefndinni og þoki þar fáum málum
áfram.
Eftir að læknaráðið hafði samþykkt reglur um
ársstöður kandidata fékk málið þá meðferð að það
var sent stjórnarnefnd ríkisspítalanna sem skar nið-
ur flest þar sem þótti líklegt til þess að auka fjárút-
lát. Læknaráðið hafnaði þessum hugmyndum og
36
LÆKNANEMINN