Bændablaðið - 07.09.2023, Side 14

14 Bændablaðið | Fimmtudagur 7. september 2023
Alls hófu 128 nemendur nám í
Menntaskólanum á Laugarvatni
nýverið og dvelja allir á heimavist
skólans. Starfsmenn eru 34.
Ekki var hægt að taka á móti
öllum nemendum í vor sem sóttu
um inngöngu í skólann. Af þessum
128 nemendum er 54 nýnemar.
Jafnt hlutfall kynjanna
„Kynjahlutfallið hefur undan­
farin ár sigið í þá áttina að
kvenkynsnemendur eru í tölu­
verðum meirihluta. Það eru því
ánægjulegar fréttir að nánast jafnt
hlutfall er af stúlkum og piltum í
nýnemahópnum okkar nú í haust.
Ég tek þó fram að ML gefur
nemendum sínum rými til að
skilgreina kyn sitt í fleiri flokka en
kk og kvk en það er mikilvægt að
nemendahópurinn sé fjölbreyttur og
gott að hér sé jafnvægi á milli kynja.
Um leið og við gleðjumst yfir
því að strákar séu nú 40% nemenda
skólans þá reynum við að rýna
í hvað það er sem veldur aukinni
aðsókn þeirra,“ segir Jóna Katrín
Hilmarsdóttir skólameistari.
Skólinn byrjar 8.30
Síðasta haust var sú breyting
gerð á skólanum að skólabyrjun
á morgnana var seinkað. „Já, í
stað þess að hefja kennslu kl. 8.15
byrjum við nú 8.30.
Óformlegar kannanir meðal
starfsfólks benda til þess að eftir
þessa breytingu sé spennustigið
lægra á morgnana á heimilum þar
sem koma þarf börnum í skóla og
leikskóla og því er streitan minni.
Nemendur ML hafa ekki hallmælt
fyrirkomulaginu og ná vonandi
betri svefni. Ekki er hægt að draga
ályktanir um að námsárangur hafi
batnað í kjölfarið fyrr en að lengri
tíma liðnum. Við gerum ráð fyrir
því að halda þessu skipulagi áfram,“
segir Jóna Katrín.
Ávaxtastund í vetur
Í skólanum er rekið mötuneyti
þar sem nemendur fá morgunmat,
hádegismat, síðdegissnarl og
kvöldmat og lögð áhersla á að um
næringarríkt fæði sé að ræða.
„Til þess að ýta undir að
nemendur næri sig fyrir hádegið
verðum við með ávaxtastund í vetur
en í frímínútum rétt fyrir kl. 10 á
morgnana geta nemendur nálgast
ávexti til að fleyta sér fram að
hádegismat og vonandi nýtist það
einhverjum.
Því það er ekki bara mikilvægt
að nærast á morgnana heldur
þarf næringin að vera holl,“ segir
skólameistarinn að endingu. /MHH
FRÉTTIR
Smalahundafélag Íslands:
Maríus Snær sigursæll í
báðum keppnisflokkunum
Maríus Snær Halldórsson sigraði
í A-flokki í Lands keppni Smala-
hundafélags Íslands með hundinn
Rosa frá Ketilsstöðum. Elísabet
Gunnarsdóttir varð önnur með
hundinn Ripley frá Írlandi.
Svo skemmtilega vill til að þau
Rosi og Ripley eru mæðgin.
Í þriðja sæti í A­flokknum urðu
Krzysztof Krawczyk og hundurinn
Oreó frá Hallgilsstöðum.
Keppnin var haldin í Mýrdal
í Kolbeinsstaðahreppi helgina
19.–20. ágúst.
Að sögn Hrafnhildar Tíbrár
Halldórs dóttur, ritara Smala­
hundafélagsins, lék veðrið við
keppendur og gesti á mótinu á
laugardeginum. „Lognið flýtti sér
helst til mikið seinni daginn og
var ákveðið að snúa brautinni til
hagræðingar fyrir keppendur og
áhorfendur,“ segir hún.
Samstarf smalahundadeilda
Mótið var haldið í samstarfi við
Smalahundadeild Snæfellsness
og Hnappadals og var keppt í
tveimur flokkum, A­flokki og
Unghundaflokki. Alls voru 14
hundar skráðir til leiks, flestir
keppendur í A­flokki.
Hrafnhildur segir að í A­flokki
séu hundar sem komnir eru með
talsverða reynslu og þurfa hundarnir
að leysa verkefni í krefjandi
aðstæðum með fyrirmælum frá
þjálfara sínum. „Þjálfarinn verður
að standa á sínum upphafsstað frá
því hann sendir hund af stað og þar
til hundurinn hefur klárað að sækja
kindurnar í um 400 metra fjarlægð,
reka kindurnar í gegnum þrjú hlið.
En þá kemur hann með hópinn í
svokallaðan skiptihring þar sem
hundur og þjálfari hjálpast að við
að skilja tvær kindur frá hópnum
áður en hann er rekinn í litla rétt.
Rúsínan í pylsuendanum er síðan ef
hundinum tekst að taka eina merkta
kind úr hópnum í skiptihringnum.“
Frábærir taktar
Að sögn Hrafnhildar sýndu þau
Maríus Snær og Elísabet frábæra
takta báða dagana með hunda
sína Rosa og Ripley. Maríus vann
Unghundaflokkinn, auk A­flokks.
„Þessi pör höfðu þegar unnið sér inn
rétt til að fara út á Heimsmeistaramót
International Sheepdog Society
fyrir hönd Smalahundafélagsins en
það verður haldið dagana 13.–16.
september næstkomandi og við
óskum þeim velfarnaðar á því móti.
Við fengum skoskan dómara, Ian
Brownlie, til að dæma í keppninni.
Með honum í för var eiginkona
hans, Jennifer Murtagh, sem ritari
og þökkum við þeim kærlega fyrir
aðstoðina.
Við þökkum Líflandi líka
kærlega, sem styrkti mótshaldið
með veglegum vinningum,“ segir
Hrafnhildur. /smh
Elísabet Gunnarsdóttir, Maríus Snær Halldórsson og Krzysztof Krawczyk. Myndir / Smalahundafélag Íslands
Hundarnir leysa verkefni í krefjandi aðstæðum með fyrirmælum frá þjálfara.
Í vetur stunda 128 nemendur nám við skólann og dvelja allir á heimavistinni.
Mynd / MHH
Sveppur af ættkvíslinni Rhizo-
pogon fannst nýlega á Íslandi en
hann hefur ekki verið skráður
áður hér á landi.
Sveppurinn fannst í Nausta­
borgum við Akureyri og vex á
mel þar sem tré hafa verið gróður­
sett. Guðríður Gyða Eyjólfsdóttir,
sveppafræðingur hjá Náttúru­
fræðistofnun, hefur greint sveppinn
og virðist hann nýr landnemi á
Íslandi. Er hann líkur trufflusvepp
í útliti, gulbrúnn, óreglulega kúlu­
laga og vex hálfgrafinn í jörð.
Sveppurinn er ekki ætur.
Rhizopogonsveppir eru algengir
erlendis, einkum nálægt furum og
eru taldir gegna mikilvægu hlutverki
í vistfræði barrskóga.
Sveppurinn er m.a. settur í
sérstakar blöndur til að mynda
svepparætur á ungum trjáplöntum.
Rhizopogon­tegundir hafa
verið notaðar við endurheimt skóga
í kjölfar rasks af náttúrulegum
eða manna völdum og eru taldar
gegna mikilvægu hlutverki við að
auðvelda jarðvegsbindingu kolefnis
í sveppaskógum.
Greint var frá fundinum í
Facebook­hóp Guðríðar Gyðu: Funga
Íslands­sveppir ætir eður ei. /sá
Nýr sveppur af Rhizopogon-ættkvísl fannst nýlega í Eyjafirði.
Mynd / Guðríður Gyða Eyjólfsdóttir
Lífríki:
Nýr landnemi úr svepparíkinu
Menntaskólinn á Laugarvatni:
Jafnt kynjahlutfall nemenda
Jóna Katrín Hilmarsdóttir, skóla meistari
Menntaskólans á Laugarvatni.
Mynd / Aðsend
Pantaðu varahluti fyrir Honda fjórhjólið tímanlega
í síma 590 2150 eða á varahlutir@askja.is.
Add a heading
Er hjólið klárt fyrir
göngurnar í haust?