Stuðlaberg - 01.12.2016, Side 13

STUÐLABERG 2/2016 13
Philip Vogler er Bandaríkjamaður. Hann er
frá bónda bæ í Texas og á allar ættir að rekja til
þýskumælandi fólks sem fluttist frá Evrópu
um 1900. Hann kom hingað til lands í sumar-
vinnu árið 1975 og þremur árum seinna, árið
1978, fluttist hann með íslenskri konu sinni
hingað til lands og settist að á Egils stöðum.
Hann hefur sýnt mikinn áhuga á íslenskri
ljóðlist, var einn aðalhvatamaður að stofnun
Félags ljóðaunnenda á Austurlandi og hefur
verið duglegur við að mæta á eða skipuleggja
samkomur sem tengjast ljóðlist, svo sem
brag fræði námskeið og ljóðakvöld. Það sem
einkum hefur þó vakið athygli er að Philip
hefur tileinkað sér íslenskar bragreglur og
yrkir af miklu kappi, einkum undir rímna­
háttum, án þess að nokkurs staðar skeiki í
meðferð ljóðstafanna. Sem dæmi má nefna
vísu sem hann gerði nú fyrir skömmu:
Gaman er þá árla dags
aðrir stíga á fætur.
Ég efni finn til fyrsta brags,
fyrr það birta lætur.
Philip tók vel í það að svara nokkrum
spurningum.
Hvað kom til að þú heillaðist svona af fornum,
íslenskum bragreglum og hefðbundinni íslenskri
ljóðagerð?
Í skóla lærði ég ensku og fleiri tungumál
auk bókmenntafræði en aldrei bragfræði sér­
staklega.
Það æxlaðist hins vegar svo að ég lærði
meira í forn- og miðaldaensku en flestir
enskufræðingar, var meðal annars hjá Alain
Renoir, sem er barnabarn Pierre-Auguste
Renoir, þess fræga listmálara, í tvö misseri
og það var tilkomumikið að heyra hann lesa
úr fornum enskum kvæðum. Ég tók þýskar
bókmenntir ásamt enskum sem aðalsvið til
MA-prófs um bókmenntafræði, þar á meðal
mikið af ljóðum.
Ég vann lengi að því að hér fyrir austan
yrði einhver vettvangur fyrir ljóðaflutning
og samræður um kveðskap en slíkt vantaði
þegar ég kom hingað. Auk nokkurra upp­
lestrarsamkoma á Egilsstöðum kallaði ég
saman þrjá eða fjóra umræðufundi, ef ég tel
með bragfræðinámskeið sem ég skipulagði í
tengslum við útileikhúsið sem ég rak í fimm
ár. Magnús J. Jóhannsson frá Iðunni kenndi.
Að lokum komu þau Sigrún Björgvinsdóttir
og Þorsteinn Bergsson mér til aðstoðar til að
ná til ljóðaáhugafólks úr öllum fjórðungnum.
Ég stjórnaði svo umræðufundi í barnaskól­
anum á Eiðum og einn fundarmanna, Aðal­
steinn Aðalsteinsson (Danni á Vaðbrekku),
skrifaði fundargerðina í bundnu máli. Síðan
var kosin undirbúningsnefnd sem Magnús
Stefánsson stýrði.
„Þar sem ástir skína skærst”
Rætt við Philip Vogler um ljóða- og vísnagerð
Philip Vogler, kennari, þýðandi, leiðsögu-
maður og ljóðaunnandi á Egilsstöðum.