Goðasteinn - 01.03.1967, Side 51

þó þeir felldu sig ekki vel við grasið, tjölduðum, hituðum og átum.
Ég fcr ekkcrt út í að lýsa bústað Eyvindar eða tilfinningum, scm
vöknuðu við hann, en segi það eitt, að mér verður sá staður minni-
legastur, vildi sízt hafa orðið af því að sjá hann. Og ég vildi ráð-
leggja hverjum, sem gæti, að skoða hann, ekki sízt þeim, sem eru
hugsjúkir af smámunum, geri ráð fyrir, að það yrði mörgum góð
lækningaferð. Við förum úr verinu kl. 12, yfir Hreysiskvísl og innan
skamms fram hjá Fremra-Hreysi og að Þúfuverskvísl. Þá kvísl
kallar Þórður Flóventsson Illukvísl, og fannst okkur það réttnefni.
Hún var í vexti, eins og öll vötn þá. Hún er ekki breið en stórgrýtt
og svo kötlótt, að óhætt er að segja, að hún væri í miðjan legg og
á lend á sömu hestlengdinni. Ég er enginn vatnahestur og þorði því
ekki að ríða hana á óvönum hesti, sem ég var þá á, en allir hestar
tapaðir út í, áður en ég gætti að. Bið þá félaga að færa mér annan.
Bræðurnir komu með hestinn, en heyrt hefi ég, að Skúli hafi sagt:
„Ég trúi, að mig langi nú ekki yfir aftur“. Á þessu getið þið séð,
hvernig kvíslin hefir verið.
Við höldum svo áfram, niður Holtamannaafrétt skammt frá
Þjórsá, fram hjá Sóleyjarhöfða, því Þjórsá var ófær, áðum tvisvar,
ofurlítið, og komum í Hvanngil kl. 9 um kvöldið. Þar var ágætur
hagi. Þar vórum við til kl. 6 morgunninn eftir. Vórum þá nýir
mcnn, þvegnir og fágaðir. Komið var lygnt og gott veður, og afrétt-
ur Gnúpverja blasir við, utan Þjórsár, fallegur og fjármargur. Við
förum austur að Köldukvísl, ofan við Búðarháls, stönzum lítið eitt
á Klifshagavöllum, förum svo niður með Köldukvísl að Tungná og
svo mcð henni að flutningnum. Báturinn er fyrir innan, eins og um
var beðið og því tekið til óspilltra málanna með að flytja.
Frá Tungná förum við kl. 11V2. f Áfangagil þurfum við að koma
og fá hádegiskaffið. Þaðan fórum við, sem leið liggur, að Galtalæk.
Heilsaði blessuð sveitin þá svo, að við höfðum aldrei séð þar ann-
að eins gras. Húsbóndinn á Galtalæk var kominn norður fyrir tún,
svo það væri víst, að við færum ekki fram hjá. Þá var kl. 4, og
höfðum við vcrið 50 klst. og 3 mín. á milli bæja. Eftir alla hress-
inguna á Galtalæk hefðum við vel getað lagt norður aftur, þó
ekkert yrði úr því, heldur kvöddum við Þórð, þenna skemmtilega
Goðasteinn
49