Goðasteinn - 01.03.1967, Page 77

út frá bænum, nema gömul kona, sem annaðist um kvöldmjaltir, og
Hannes, þá á barnsaldri. Kýrnar voru á bcit austur undir Lómanúp
og fór Hannes að sækja þær, er nálgaðist mjaltatíma. Á heimleið sá
Hannes búferlalest koma austan Leiru, klyfjahesta undir ýmsum
búshlutum, ríðandi menn, karla og konur, og ungbörn í kláfum,
er silaðir voru upp á reiðingshest.
Lestin nam staðar við skriðu, skammt austan við túnið á Núps-
stað. Var þar áð um stund, hestar gripu í haga og klyfjar voru lag-
aðar á hestum. Hannes fór þarna mjög nálægt. Heyrði hann tal
manna og grát ungbarna. Var m. a. um það rætt, að næra þyrfti
börnin, áður en lengra væri farið. Hannes var hlédrægur við ókunn-
uga og fór heldur á svig við hópinn. Óvenjulegt var að sjá búferla-
lest á ferð á þessum tíma.
Lestin tók sig upp eftir nokkra dvöl og hélt vestur á bóginn. Leið
hennar hlaut að liggja rétt hjá sláttufólkinu frá Núpsstað, en þar
var gatan auð og tóm allt kvöldið. Er þar skemmst frá að segja,
að hvergi sást til ferða þessa fólks í Fijótshverfi, hvorki á Rauða-
bergi eða á bæjunum fyrir utan Djúpá, engu líkara en jörðin hefði
gleypt það.
Skráð eftir Hannesi Jónssyni á Núpsstað.
V
ÁLAGASTAÐIR 1 YTRI-SKÓGUM
Klukkhóll eða Klukkuskákarhóll er í túninu í Ytri-Skógum,
skammt til landsuðurs frá bænum og lækkar ár frá ári, vegna lækjar-
framburðar. Sagt er, að nafn hólsins sé leitt af því, að einhvern
tíma hafi heyrzt í honum klukknahljóð. Strangt bann lá við því að
slá hann. Séra Gísli Kjartansson gerði það þó einu sinni, þegar
hann var heima hjá föður sínum í Skógum. Veturinn eftir drukknaði
reiðhestur séra Kjartans í for heima við bæinn, og ein bezta kýrin
í fjósinu fótbrotnaði af engri orsök, cr séð varð.
Austur frá bænum í Skógum er svonefndur Fauskadalur sunnan
í heiðarbrúninni, fyrir austan Ingimund. Ekki mátti slá dalinn, og
þá sjaldan það var gert, vildi heyið fjúka. Vigfús Þórarinsson bóndi
Goðasteinn
75