Goðasteinn - 01.03.1967, Síða 80

til svartsýni, því að með hverju árinu sem líður, stækkar sú spilda,.
sem bjargað er frá uppblæstri og eyðingu. Það vantar aðeins meiri
aðgerðir, stærra átak og fjörþættara starf fleiri manna til að snúa
vörn í sókn og gera ísland að betra og fegurra landi en það er.
Náttúran er gjöful, og jörðin skilar því aftur margföldu, sem til
hennar er lagt. Einhver mesta opinberun, sem ég hef orðið fyrir,
birtist mér fyrir rúmlega áratug. Þá var sáð grasfræi í hundrað
hektara lands á Skógasandi, þar sem auðnin og kyrrstaðan hafði
ríkt um aldir. En á aðeins örfáum vikum eftir sáninguna breyttist
þessi svarti og lífvana sandur í græna, samfellda breiðu af bylgj-
andi grasi. Sú sjón mun seint úr minni líða. Þetta er hægt á íslandi,
og þetta er nú gert með góðum árangri víða um land. En sárin
foldar eru svo mörg og stór, að litlu munar enn. Samt styrkist lífs-
trú okkar og bjartsýni með hverjum reit, sem hrifinn er úr greip-
um eyðingaraflanna og tekinn í þjónustu lífsins og fegurðarinnar.
Eitt mesta böl, sem dunið hefur yfir gróðurríki landsins, var
eyðing skóganna á liðnum öldum. Er þeir voru burtu, náði upp-
blástur og landeyðing yfirhöndinni, þar sem áður var græn og
gróin jörð. Það er gamall og nýr sannleikur, að hægara sé að rífa
niður en byggja upp, og sannast það á skóginum. Samt er það
staðreynd, að skógur getur þrifizt í landinu, til ómetanlegrar
blessunar fyrir allan annan gróður. Nokkuð hefur þegar verið unnið'
á sviði skógræktar. Margir fórnfúsir hugsjónamenn hafa þar lagt
á brattan og ekki hikað við að snúast gegn vantrú fjöldans. Starf
þcirra hefur borið góðan ávöxt. En samt bíða í skógræktarmálum
okkar gífurleg verkefni, sem okkur er nauðsyn að sinna af alúð
og atorku.
Hvers landið og þjóðin hafa farið á mis við með eyðingu skóg-
anna, skynjum við fyrst með fullum þunga, er við reikum um
gróðursæl, skjólrík rjóður í Hallormsstaðaskógi, Vaglaskógi eða hér
inn á Þórsmörk. Að gista þessa staði er eins og að koma í annan
heim. Svo gjörólíkt er það auðninni og berangrinum hvarvetna fyrir
utan. Það er sannkölluð opinberun þess fagnaðarerindis náttúrunn-
ar, hvernig fsland var og hvernig það getur orðið í framtíðinni, ef
við rækjum skyldur við það og komandi kynslóðir. Við eigum því
mikið og göfugt verkefni framundan, þar sem hver og cinn þarf
78
Goðasteinn