Goðasteinn - 01.03.1972, Page 63

Gunnar wlagnússon
frd Reynisdal:
Sigið í
Grafarhöfuð
í Reynisfjalli í Mýrdal var stunduð fýlungatekja allt frá því,
er fugl sá, sem fýll heitir, tók þar heima að nokkru ráði, en það
mun hafa verið á síðari hluta 18. aldar, að því er sagnir herma.
Landeigendur að Rcynisfjalli voru Reynishverfingar að vestan-
verðu og sunnan, allt að Þórshafnarklakki, en hann er sunnan-
undir fjallinu og gengur í sjó fram. Þaðan og norður eftir áttu
Víkurbændur fjallið upp að austurbrún, en Reynishverfingar áttu
fjallið uppi.
Alla fýlabyggð nytjuðu Reynishverfingar sjálfir í sínu landi,
en Víkurbændur leigðu sinn hluta, sem var Grafarhöfuðin og Ot-
fjallið. Ýmsir bændur höfðu Grafarhöfuðin á leigu frá því, er ég
man eftir. Var leigan goldin í gemlingafóðrum til Víkurbænda,
átta lambsfóður fyrir fýlungatekjuna. Var það föst regla, að á
hausti hverju var rekinn allstór hópur gemlinga um sveitina frá
Víkurbændum. Fóru gemlingarnir allir í fóður hjá bændum upp
í landskuldir, fýlungatekju, slægjugjöld á Reynisholtsengjum og
fleira, sem þar kom tii.
Goðasteinn
61