Goðasteinn - 01.03.1973, Blaðsíða 10

gæti gjört sjónhverfingar og sýnt ýms fyrirbrigði, og þess vegna
mynduðust ýmsar sögur af honum.
Eitt sinn hafði stúlka, sem var á ferð, gist náttlangt í Húsey
um sumartíma. Hún ætlaði austur að Hóli, austur fyrir Lagar-
fljót. Óþerrir hafði gengið um tíma, svo mikil taða lá á túni í
Húsey. Það leit út fyrir góðan þerri um morguninn, þegar stúlkan
ætlaði að leggja á stað. Guðmundur bað hana að vera hjá sér um
daginn og hjálpa til við töðuna, en stúlkan neitaði og lagði á
stað. Þegar hún var komin spölkorn austur á eyna, skall á glóru-
laus þoka, svo stúlkan var að villast allan daginn um eyna og
kom um kvöldið aftur að Húsey.
f öðru sinni bað ferðamaður um næturgistingu í Húsey og
ætlaði inn að Kirkjubæ næsta dag, sem var sunnudagur, og
ætlaði að vera þar við messu. Maðurinn var látinn sofa í úthýsi.
Honum þótti nóttin nokkuð löng, vaknaði af og til og alltaf var
myrkur. Loksins birti, og þá kom Guðmundur og sagði mann-
inum, að honum væri mál að fara að klæða sig. Maðurinn sagðist
hafa haldið, að þessi blessuð nótt ætlaði aldrei að líða. Hann
klæddist fljótlega og lagði á stað en furðaði mjög, þegar hann sá
fólk vera að vinna á leiðinni inn að Kirkjubæ. Hann spurði, hvort
fólk ætlaði ekki til lcirkju. Var honum þá sagt hann væri orðinn
dagavilltur, það væri mánudagur. Sá þá maðurinn, að Guðmundur
hafði haldið honum inni í 3 dægur, byrgt fyrir gluggann á svefn-
húsinu, svo enga birtu lagði inn.
Guðmundur átti eina dóttur barna, sem upp komst. Hún
giftist Árna Scheving Stefánssyni prests í Presthólum. Þeirra
dóttir, Sigríður, giftist Þorgrími Péturssyni frá Hákonarstöðum á
Jökulsdal. Einn af sonum þeirra var Árni faðir Árna bónda á
Grund við Hensel, Norður-Dakota og Jónatans bónda að Akra
í Norður-Dakota.
Árni Scheving bjó í Húsey eftir Guðmund, hafði svo bústaða-
skipti við Magnús Jónsson bónda á Kóreksstöðum í Hjaltastaða-
þinghá. Svo bjó Magnús í Húsey þar til sonur hans, Halldór,
tók við búi, sem bjó þar til 1869, að hann flutti að Sandbrekku
í Hjaltastaðaþinghá. Þá flutti að Húsey Magnús sonur Magnúsar
prests Bergssonar frá Kirkjubæ. Kona Magnúsar var dóttir Jóns
Goðasteinn