Goðasteinn - 01.03.1973, Síða 68

þrjár dætur nokkuð vaxnar. Steinunn kom á undan og mig minnir
Sveinbjörg, elzta dóttirin. Oiafur kom seinna og kom að Upp-
sölum eins og hann var vanur á ferðum sínum. Þá sagði hann
Gísla mínum, að búið hefði verið tekið upp, þegar hann var á
ferðalagi austur á landi, og hann komið heim að tómum kofa,
en vera má, að hann hafi vitað, hvað stóð til. Ólafur bað Gísla
minn að selja sér hest, þetta sé svo léleg bykkja, sem hann sé á,
en hann hafi enga peninga. Gísli selur honum brúna hryssu,
fallega. Svo heldur Ólafur áfram. Vestur-Skaftfellingar tóku vel
á móti Steinunni. Póstarnir sögðu mér, að hún hefði mátt kjósa
sér stað til að vera á og mátt skipta, þegar hún vildi. Hún var
eitthvað veikluð en fékk heilsuna.
Engir skilmálar fóru á milli Gísla míns og Ólafs um borgun
á hryssunni, og voru nú sumir að ergja sig út í Gísla, hann fengi
hryssuna aldrei borgaða, en þó kom þeim þessi sala ekkert við.
Ólafur sezt að á Brunasandi og bjó þar í mörg ár með Júlíu
dóttur sinni. Eftir árið sendi hann Gísla peningana fyrir hryssuna,
alveg toppverð. Mörgum árum seinna komu Ólafur og Júlía
dóttir hans vel hress og á góðum ferðahestum. Þá átti að ferma
Ólaf Gunnarsson. Þegar Júlía var á Stafafelli í Lóni, eignaðist
hún hann með Gunnari Snjólfssyni, sem nú er hreppstjóri á
Höfn. Nú voru þau, hún og faðir hennar, að færa Ólafi nýjan
hnakk og beizli í fermingargjöf. Ólafur Gunnarsson er sálfræðing-
ur og kannast víst margir við hann. Hann ólst upp í Vík í Lóni
og er tryggur við Lónið.
Ólafur og Júlía komu um vor. Ólafur sagði, að Steinunn kona
sín hefði tekið að sér sauðburðinn meðan þau fóru þessa ferð.
Steinunn var systurdóttir Eyjólfs á Reynivöllum, mikið vel gefin,
greind og myndarleg. Ég kynntist henni dálítið á Reynivöllum,
hún var þar í dvöl hjá frændfólki sínu sér til hressingar. Við
fengum alltaf frétt með Hannesi pósti og Þorláki Þorlákssyni,
sem kom oft í stað Hannesar. Þeir gistu hjá okkur og gátu sagt
okkur um líðan þessa fólks, sem þurfti að taka á móti svo mikl-
um erfiðleikum og hverfleika lífsins. Allt er gott, þegar endirinn
er góður.
Páil Benediktsson átti tvo parta af Smyrlabjörgum. Fylgdu þeim
66
Goðasteinn