Goðasteinn - 01.03.1973, Page 74

legasta, sem fer fram, og sendir mér þar að auki Alþingistíðindin.
Enn fremur er ég einn af kaupendum Þjóðólfs, svo að eg má heita
vel byrgur að íslenzkum fréttum. En því miður get eg varla
skrifazt á með vinum mínum úti á íslandi, nema með þeim
fáum, sem skilja þýzkuna, svo að eg geti skrifað þeim á þýzku en
þeir svari mér á íslenzku. Það er óvinnandi að tala eða skrifa
útlenzkt mál, þar sem maður á ekkert tækifæri til þess að iðka
það svo árum skiptir. Ég vona mér fyrirgefningar hjá yður alls
þess, er mér mistókst í þessu bréfi. Það er fornt orð, að enginn
kveður betur en hann kann.
Loksins leyfi eg mér að biðja yður að bera kveðju rnína konu
yðvarri og börnum, samt nábúum yðrum, Jóni Þórðarsyni í
Eyvindarmúla og Páli Sigurðssyni í Árkvörn, þar að auki séra
Skúla Gíslasyni, ef yður gefst færi til þess, og óska eg yður og
öllum yðar ástvinum allra heilla.
Yðar skuldbundinn, trúr vinur
Konráð Maurer.
Þetta bréf er meðtekið 12. apr. s.á.
Dr. Konráð Maurer gisti hjá mér tvær nætur í Eyvindarholti
árið 1858, og að skilnaði fylgdi ég honum yfir Markarfljót, að
Eyvindarmúla.
Sighv. Árnason.
Frumritin cru cign byggðasafnsins í Skógum.
72
Goðasteinn