Goðasteinn - 01.03.1973, Page 80

JÓ77 R. Hjálmarsson:
Eyjagos 1973
1 gær stóð Eyja byggð með blóma,
þar bjuggu menn við rausn og sóma.
Heyrðust gleðihlátrar óma
hátt og vítt um forna slóð. -
I dag er orðið annað hljóð.
Úr iðrum jarðar eldar bruna,
ógnarhljóð í lofti druna.
Við munum síðan minninguna
með oss geyma langa hríð. -
Ógurlegt er eldsins stríð.
Á skammri stundu skipast veður,
skafla af vikri og ösku hleður
eldgosið og undir treður
Eyja fögru byggðarstorð. -
Fátæk verða öll vor orð.
Biðjum þess að brátt vér eygjum
betri tíma í Vestmannaeyjum.
Erfiðleika þunga þreyjum.
þá mun að lokum fara vel. -
Sigri lífið! hörfi hel!
24. 1. 1973.
78
Goðasteinn