Goðasteinn - 01.03.1973, Síða 82

allri vesturhlið þess, en þar var gluggi á miðjum vegg en beggja
vegna við hann voru skápar, þannig gerðir, að hurðir þeirra voru
mjórri en skáparnir sjálfir, og myndaðist þannig einskonar föst
framhlið í þá, ca. 10 cm hvoru megin hurðarinnar. í skápum
þessum var geymt leirtau, og auk þess alls konar krydd í mat og
smááhöld. 1 skápnum til hægri átti kleinuhjólið sinn fasta sama-
stað í annarri hillu að neðan bak við framfjölina til vinstri.
Nú er þar til máls að taka, að eitt sinn, er Vilhclmína skyldi
nota kleinuhjólið, og rétti eins og venjulega hendina inn í skáp-
inn til þess að taka það, greip hún í tómt, hjólið var ekki á sín-
um stað. Ekki datt henni þó neitt óeðlilegt í hug þá strax, en
leitaði talsvert að hjólinu án árangurs. Sló hún þessu frá sér í
bili, og hugði að dóttir sín, er hún bjó með, hefði eitthvað fært
það til, en hún vann úti, svo að ekki var hægt að ná til hennar
þá þegar. Er hún kom heim um kvöldið, kvaðst hún ekki hafa
haft hönd á hjólinu, og gat engar skýringar gefið fremur en aðrir.
Eins og nærri má geta var leitað í öllum hillum í skápunum og
annars staðar í eldhúsinu, en án árangurs. Að síðustu var svo
keypt nýtt útlent kleinuhjól úr gleri, og fékk það samastað í
skápnum þar sem hitt hafði verið.
Ýmsum getum var leitt að hvarfi hjólsins og voru flestir þeirr-
ar skoðunar, að því hefði verið stolið, en þó var enginn grunaður
í því sambandi. Hvarf hjólsins varð örugglega tímasett af sjálfu
sér, þetta gerðist sem sé daginn fyrir afmælisdag Vilhelmínu, 30.
júní.
Nú líður hcilt ár og var atburður þessi stöðugt sama ráðgátan.
Um vorið var gerð venjuleg vorhreingerning á eldhúsinu, og við
það tækifæri voru allar hillur og skápar tæmdir. Átti nú svo sem
að finna hjólið, en það tókst ekki, hjólið var hvergi að finna, og
var því nú slegið alveg föstu, að því hefði annaðhvort verið stolið,
cða lent í ruslafötuna í ógáti og verið hent.
Svo skeður það 30. júní um sumarið, nákvæmlega ári eftir að
hjólið hvarf, að Vilhelmína hyggst steikja kleinur. Hún lagar
deigið á borðinu undir skápnum, breiðir það út og réttir hendina
inn í skápinn eftir hjólinu, án þess að hugsa um það eða horfa
eftir því, enda óþarfi, þar sem hjólið lá alltaf á sama stað, en.
80
Goðasteinn