Goðasteinn - 01.06.1974, Page 42

Dagbók hélt hann í mörg ár, og ýmislegt fleira skrifaði hann,
til dæmis dálitla sálmabók, þar sem voru allmargir sálmar úr
gamla grallaranum. Hún var vel bundin í skinn og mun vera til
í góðs manns vörslu. Hann bjó til langspil með strengjum úr tagl-
hári. Eitthvað mun hann hafa reynt að nota þetta hljóðfæri.
Fingrarím var honum nokkuð tiltækt.
Friðfinnur var lengi hringjari við sóknarkirkju sína að Lang-
holti og skyldurækinn í því sem öðru. Oftast mun hann um mið-
aftansbil daginn fyrir stórhátíðirnar páska og hvítasunnu hafa far-
ið að hringja inn hátíðina. Því hætti hann á efri árum, enda þá
lengra að fara. Kirkjunni og kristindómi unni hann. Helgidaga
hélt hann trúlega og virti í öllu fornar dyggðir. Góðrar hcilsu naut
hann lengst af og ekki mjög næmur fyrir umgangskvillum.
Friðfinnur dó 1911 eftir stutta legu. Sigríður Stefánsdóttir kona
hans lifði nokkur ár rúmlæg í Háu-Kotey við góða umönnun Ár-
nýjar Eiríksdóttur húsfreyju þar.
40
Goðastebm