Goðasteinn - 01.06.1974, Side 52

til suðurs, og innst á því Hornfelisnípa, allmikil og snarbrött.
Austur undir Sólheimajökli gnæfir Skógafjall, og upp úr hvössum
brúnum þess rísa stakir tindar, og ber mest á þrem þeirra, er
heita Strákar og Latur. Voru strýtur þessar notaðar fyrrum sem
mið, þegar Fjallamenn reru til fisks.
Við göngum nú upp Kambfjöllin eftir snarbröttum sneiðingi.
Skammt fyrir austan okkur eru fjöli þessi klofin af djúpum gilj-
um og drögum. Er þar raunar innsti hluti árgljúfursins við Kvernu,
en hún verður til úr fjölmörgum lækjum þarna í fjöllunum. Ofan
Kambfjalla talca við lágar og grýttar hæðir og fer gróður ört
minnkandi, er svo hátt er komið. Fyrr en varir komum við að
austurkvísl Skógár, sem þarna kemur úr norðaustri og á upptök
sín í jaðri Mýrdalsjökuls. Vesturkvíslin á aftur á móti upptök
í Eyjafjallajökli og falla þær saman þarna vestan Kambfjallanna.
Fjallasýn er að vonum mikilfengleg, þegar svo hátt er komið,
því að jöklarnir tveir, Eyjafjallajökull og Mýrdalsjökull eru á
næsta leiti. En ekki sýnast jafn tilkomumikil ýmis þau fell og
fjöll, er áður bar við himin úr byggð að sjá og láta þar mikið
á sér bera. Við vöðum yfir Skógárkvíslina á sæmilegu vaði og
reynist hún varla í hné. Þarna við vaðið er harla flatlent og stund-
um kemur það fyrir, þegar jakahrannir hlaðast í ána, að hún
brýst úr farvegi sínum og flæmist til suðurs. Lendir hún þá saman
við Kvernu, sem þá vex mjög, en að sama skapi minnkar þá i
Skógá. En fremur er sjaldgæft að þetta gerist. Leiðin liggur nú
inn svo nefndar Landnorðurstungur milli tveggja kvísla Skógár
og lengi vel er gengið nálægt gljúfri austurkvíslarinnar, sem er
allhrikalegt á köflum. Á hábrún fjallsins til norðurs sést nú vel
til skála Fjallamanna, sem þar ber við bláan himinn og sýnist
ærið reisulegur. Að síðustu er gengið meðfram og jafnvel eftir
einstökum jckulfönnum og hér endar ruddi vegurinn. Brátt leggj-
um við á brattann síðasta spölinn upp að skálanum. Er þar upp
snarbratta móbergshlíð að fara og er þetta hinn raunverulegi
Fimmvörðuháls samkvæmt fornri málvenju. Á honum voru fyrrum
5 vörður sem leiðarmerki. Eftir talsvert erfiði náum við í skál-
ann og hvílumst þar um stund. Hús þetta var að allri gerð traust-
lega byggt og hið vandaðasta, en hefur mjög látið á sjá hin síðari
50
Goðasteinn