Goðasteinn - 01.06.1974, Page 55

tökum við eftir því að aurarnir þarna eru víða að gróa upp og
meira að segja skjóta þar birkihríslur upp kolljnum á sífellt
stærra svæði. Er líklegt að friðun síðustu áratuga eigi sinn þátt
í því, hversu öflugur skógur er nú að vaxa upp sunnan Krossár,
þar sem mjög var orðið skóglítið fyrrum.
Við komum að Krossá, sem oft hefur reynst erfiður farartálmi.
Að þessu sinni er hún fremur vatnslítil og meinleysisleg. Með
góðum göngustaf reynum við fyrir okkur og vöðum síðan yfir
ána, sem er aðeins rúmlega í hné, enda þræðum við cftir góðu
broti. Innan skamms göngum við heim túnið fyrir framan skál-
ann í Langadal og hlökkum til að hvíla okkur og snæða af ncsti
okkar. Langr.i gönguferð um fagran, en torsóttan fjallveg var lokið
og hafði ekki tekið meira en sjö klukkustundir, og þó víða verið
stansað. Það er vissulega gaman að fara þessa óvenjulegu leið í
Þórsmörk, en enginn skyldi þó gera það, nema í góðu og einsýnu
veðri og helst með kunnugum leiðsögumanni.
Að síðustu skal þess getið, að Flugbjörgunarsveitin í Austur-
Eyjafjallahreppi vinnur nú haustið 1974 að smíði nýs gistiskála
á heiðinni nokkru sunnan við Fimmvörðuháls. Einnig hyggst sveit-
in láta stika að nýju leiðina yfir háfjallið. Með þessum framkvæmd-
um má segja að stórt skrcf sé stigið í áttina til aukins öryggis á
þessari hálendu og hrikalegu leið í Þórsmörk. Þetta nýja sæluhús
er um 40 fermetrar að grunnmáli og með svefnlofti, svo að þarna
verður talsvert stórt húsnæði og rúmgott fyrir ckki mjög stóra
hópa. Vel má hugsa sér að Ferðafélag íslands, sem stutt hefur
Flugbjörgunarsveitina við þessa skálagerð, eða aðrir taki inn á
sumaráætlan.ir sínar leiðina um Fimmvörðuháls í Þórsmörk. Má
þá gera ráð fyrir að ekið verði sem leið liggur frá Skógum inn
í þennan nýja skála til gistingar og síðan gengið yfir háfjallið og
niður í Mörk. Þótt rólega sé gengið, tekur sú ferð varla yfir þrjár
klukkustundir og mun verða ógleymanleg öllum þeim, sem þarna
fara um í björtu og fögru veðri.
Goðasteinn
53