Goðasteinn - 01.06.1976, Síða 88

síðan alla ævi, eins og allir Rangæingar vita. Var hann trúr yfir
litlu, sem þó óx mikið í höndum hans, þótt aldrei yrði hann yfir
mikið settur.
Ef við svo lítum á hvernig vélvæðingu þessa staðar var háttað
í upphafi, þá má sjá að auk bíls þess, sem getið hér að framan,
eignast Þorsteinn Chevrolet 1929, 26,9 hestöfl, sem 5/6 1929
hlýtur skráningarnúmerið RÁ-17. Sjálfur ók hann eldri bílnum, en
skráður bifreiðarstjóri á þennan bíl er: Halldór Jónsson frá Kana-
stöðum. Halldór er síðar þekktastur fyrir að reka sérleyfið að
Vífilsstöðum um árabil. Hann bjó í nyrðra íbúðarhúsinu, með fjöl-
skyldu sína. Guðmundur sonur hans mun hafa haft á hendi er
fram í sótti, að gæta þess, sem þetta ritar. Þegar svo bíll Þor-
steins brennur fremst í Fljótshlíðinni, kaupir hann nýjan bíl, sem
kemur á skrá 1. júlí 1930, scm RÁ 26. Þetta er bíll af gerðinni
Graham Brother, er hann 27,94 hestöfl. Ekki þarf að taka fram
að allt voru þetta vöruflutningabifreiðir og aðeins með farþega-
rými fyrir einn farþega.
Niðurstöður þessara athugana um fyrstu byggð á Hellu verða
þá þær, að eftir því sem næst verður komist er þar risið fyrsta
húsið seint í ágúst 1927. Þetta er verslunarhús, með rými til íbúðar
og fyrir skrifstofu, auk lítillar vörugeymslu í kjallara. Þá er byggt
þar íbúðarhús alveg um 1930. Fyrst býr í því Halldór Jónsson og
fjölskvlda, en síðar faðir minn sjálfur. Þá er byggð vörugeymsla
eða pakkhús, eins og það nefndist í þá daga. Loks er svo byggt
sláturhús, auk peningshúsa. Þetta er svo selt Kaupfélaginu Þór,
með afsali 10. apríl 1935, en ekki afhent að fullu fyrr en i far-
dögum það ár. Þá rmln sá, er lengst hefir starfað við verslun á
Hcllu, vera Bruno Weber.
Lýkur svo hér þessum þætti úr lífi föður míns. Með framsýni
sinni í staðarvali tókst honum þarna að marka spor, sem hafa
orðið Rangvellingum til heilla.
Að lokum vii ég svo þakka Birni Fr. Björnssyni fyrir heimildir,
en þó alveg sérstaklega Pálma Eyjólfssyni fyrir sérstaka hjálpsemi.
86
Goðasteinn