Goðasteinn - 01.06.1978, Page 35

í gerdabók Umf. ,,Framtíðin“ í Öræfum er þess getið 4. júní
1911, að til umræðu hafi m.a. verið að reyna að flytja fýl frá
Ingólfshcfða í hamrana heima við bæ.i. Var talað um að reynt yrði
að afla upplýsinga um hvernig þetta skyldi framkvæmt. Þarna
kemur því fram að menn höfðu hugmynd um að þessar upplýsingar
væri einhversstaðar að fá. Ekki varð þó af því að tilrunin væri
gerð með flutninginn, en upplýsinganna var aflað og svo vel vill
til að þær hafa varðveist.
Á þessum árum versluðu sumir Öræfingar í Vík og voru því
vel kunnugir þar. Karl Magnússon (f. í Skaftafelli 1885) mun hafa
átt leið til Víkur skömmu eftir þennan fund, en hann skrifaði Sig-
urði Arasyni á Fagurhólsmýri bréf 14. júlí sama ár, og er það
efnislega á þessa leið:
,,Ég gjörði aðeins afsökun með það sem þú baðst mig um, með
það hvernig best væri að flytja fýl: Það á að taka hann 6-7 vikur
af sumri, þegar hann er fyrir skömmu orpinn eða um það bil viku,
þá skal taka báða fuglana og eggið.
I flutningi á að fara með þá eins og hænsni. Það á að byrgja þá
í tvo til þrjá daga og hleypa síðan karlfuglinum út, og ef hann
kemur þegar hann er búinn að afla sér fæðu og fer að flökta kring
um þetta tilbúna hreiður, skal kvenfuglinum sleppt sem fyrst. Til
að byrgja fuglana á hreiðrinu er best að hafa trollnet, cn rúmið
fyrir hvert par þarf að vera tvær álnir á hvern veg. Til fæðu er
best að hafa handa þeim síli, en einnig skyr og brauð, vatn verður
að vera hjá þeim.
Vel kvað mega flytja þá eins og hálfs tíma lestagang frá sjó, og
er best að þeir geti flogið leiðina yfir rennandi vatni. Reynandi
kvað vera að taka ein sjö pör, því þá er meiri von um árangur, en
áríðandi er að réttir fuglar, þ. e. par, sé tekið og ef meira en eitt
par er tekið, að rugla þeim ekki saman og er því vissara að merkja
fuglana svo að þeir fari ekki í vigl.
Hreiðurstæðin er best að velja í þverhníptum kletti með smá
holum eða beltum, sem best er að séu grasi gróin. Milli hreiðra
þurfa að vera tvær álnir. Ef fuglinn er fluttur á grassillu á að stinga
þríhyrndan kökk frá berginu og leggja til þeirra hliðar parinu er
veit að sjó. Ekki má sleppa nema 1-3 karlfuglum út í fyrstu, og
ekki þarf að búast við að þeir komi aftur ef enginn kemur innan
Goðasteinn
33