Úrval - 01.03.1981, Qupperneq 21

MARTRÖD í GILINU
19
setjast og kastaði löngum skuggum
yfir sandinn. Gátu björgunarmenn
fundið þál myrkrinu?
Bobby reyndi að hughreysta
mennina og tíminn virtist standa í
stað. Með jöfnu millibili rufu óp
Palmers einmanaleik gilsins. Bobby
gerði allt sem honum gat hugsast til
að lina þjáningar hans.
8.45. Það var skollið á niðamyrkur.
Ef hjálpin bærist ekki fljótt vissi
Bobby að öll von var úti. Með hverri
sekúndu fjaraði lífið út í æðum
þeirra.
9.00. Uppi á brúninni birtist Ijós
sem færðist hægt í áttina til þeirra.
Svo, guð veri lofaður, stóð Barbara
hjá honum með ljós og sjúkrabíll frá
Johnson City var á leiðinni, einnig
þyrla.
9.15. Tólf sjálfboðaliðar fikruðu sig
niður til þeirra. Læknir laut yfir hina
slösuðu og gaf þeim kvalastillandi
sprautur. Palmer kastaði aftur upp
blóði; hann fékk vökvagjöf í æð.
Sjálfboðaliði beygði sig til að lyfta
Palmer á börur. ,,Ekki snerta hann,”
hrópaði Bobby. ,,Bíddu eftir
þyrlunni!”
Nokkrum mínútum síðar var
björgunarþyrlan, sem leiðbeint var
með rauðum blikkljósum sjúkra-
bifreiðarinnar yfir höfðum þeirra.
Með sterkum kastljósum fann hún sér
stað og lenti bak við eikarlund. Það
var ekki nóg. Þyrlan yrði að lenda á
sandöldunni. Bobby hentist í átt til
hennar og hrópaði: ,,Vírarnir eru
þegar slitnir. Það er ekki nokkur leið
að koma hryggbrotnum mönnunum
lifandi til ykkar. Lendið við ána!”
Þyrlan lyfti sér og lenti aftur hjá
brakinu. Skipanir sjúkraliða hersins
létu sem ljúfasta tónlist í eyrum
Bobbys.
Þrem tímum eftir slysið voru
flugmennirnir á leið á sjúkrahús. Þá
fyrst uppgötvaði Bobby að hann
verkjaði í skrokkinn af þreytu og
hann hafði miklar áhyggjur af því
hvort hann hefði hjálpað slösuðu
mönnunum eða gert skaðann enn
meiri.
SEX VIKUM SÍÐAR meðtók
Bobby bréf frá heimastöð björgunar-
þyrlunnar, sem var skammt frá Fort
Hood, þar sem hann var lofaður fyrir
sinn þátt í björguninni.
Flugmennirnir þrír höfðu lifað af, en
þeim fór hægt fram.
Densford var með brotinn neðsta
hryggjarlið og margbrotinn á báðum
fótum. Nollner var margskaddaður á
baki með slæman heilahristing, að
viðbættum þrem brotnum hryggjar-
liðum og mænuskemmd, Palmer var
bringubrotinn, með átta brotin r>f og
sprungið lunga, ásamt ökklabroti og
taugaskemmd á fótum og neðri hluta
líkamans. Ef Bobby hefði ekki verið á
verði gæti mænuskaði Palmers hafa
orðið það alvarlegur að hann hefði
ekki getað notað fæturna meir.
14. febrúar 1977, þegar Bobby var
að fá sér blund og Barbara var að þvo
bílinn þeirra, rann bíll í hlað. Ot úr
honum smokruðu sér tveir menn.