Sveitarstjórnarmál - 2021, Side 19

19
25 ÁR FRÁ YFIRFÆRSLU GRUNNSKÓLANS
Skóli fyrir nemendur
Skólamál hafa verið miðpunktur
samfélagsumræðu síðan skólakerfið var
sett á laggirnar. Allir landsmenn hafa
sterkar skoðanir á því hvernig best er
að kenna ungdómnum lífsins reglur og
hvaða námsgreinar eiga vega meira en
aðrar.
Við í Ungmennaráði Suðurlands, sem
eru fulltrúar skipaðir af Ungmennaráðum
sveitarfélaganna á Suðurlandi, höfum
margoft átt samræður sem hverfast
um skólamál og margar hugmyndir
Frá fundi Ungmennaráðs Suðurlands í Hvolnum árið 2020.
hafa vaknað enda höfum við varið
miklum hluta lífs okkar innan veggja
skólakerfisins.
Þróun síðustu aldar hefur verið á þann
veg að sérhvert barn ver æ meiri tíma
í skólanum og því má færa rök fyrir því
að skólinn sé eins konar hjálparhella
foreldranna við uppeldi hvers Íslendings.
Skólinn, sem er rekinn er af samfélaginu,
er ætíð að hjálpa fjölskyldunni við að
undirbúa börnin undir komandi tíma í sí
flóknara samfélagi. Þess vegna eykst
mikilvægi skólakerfisins með hverju árinu.
Samfélagið er ávallt að læra hvernig best
er að undirbúa börnin fyrir framtíðina og
þess vegna er mikilvægt að festast ekki
alltaf í sama farinu. Mikilvægt er að sýna
dirfsku við að þróa nýjar námsaðferðir og
vera óhrædd að viðurkenna að stundum
eru til betri leiðir en þær sem við höfum
í dag.
Eitt af stærstu vandamálum sem blasir
við skólakerfinu er brottfall nemanda
úr skóla, sérstaklega brottfall drengja
og barna innflytjanda. Það liggur í
augum uppi að núverandi kefi hentar
sumum betur en öðrum. Við teljum að
það þurfi að fara í sérstakt átak til að
hvetja og styrkja þá nemendur sem eru í
áhættuhópi. Þar getur skólinn spilað stórt
hlutverk. Er það mikið hagsmunamál fyrir
íslensku þjóðina að fá sem flesta til að
ljúka einhvers konar framhaldsnámi.
Það er skylda okkar sem samfélag að
finna lausn á núverandi vandamáli.
Að minnsta kosti reyna með öllum
mögulegum ráðum.
Innan grunnskólans er rík hefð
fyrir formfestu í námi og þar spilar
bekkjakerfið stóra rullu. Þó að námið í
dag sé orðið mun einstaklingsmiðaðra
en áður finnst mörgum okkar alls ekki
nóg að gert í því máli. Enginn nemandi
er eins og af því leiðir að engin ein
kennsluaðferð hentar öllum jafn vel.
Við teljum að enn frekar mætti auka
fjölbreytileika kennsluaðferðanna vegna
margbreytileika einstaklingsins og að
hann hafi meira val um það hvernig nám
hans fer fram. Við höfum leitt hugann að
Nói Mar Jónsson
Formaður Ungmennaráðs Suðurlands