Mímir - 01.06.2023, Page 51

49Mímir 53 - Mímishöfuð
Nafnlaus - Morri Aðalsteinsson
Nafnlaus sitja þau
handan móðu minnar og sorg.
Allslaus ráfa þau
í alvitru myrkri á mállausu torgi.
Taktlaus dansa þau
við lög sem snerta ekki blæðandi heim.
Og hinir dauðu
signa sig, dæsa
og stinga sér
ofan í andvarann.
Hve mörg orð - Morri Aðalsteinsson
Hvað eru mörg orð síðan
og hve mörg þeirra voru þú.
Hve mörg þeirra eru bergmál af himninum
og hve mörg þeirra eru kertaljós
í umlykjandi sumarmyrkri.
Hve mörg þeirra bera vindinn
og hve mörg þeirra voru í kyrrþey.
Hve mörg þeirra draga frá gluggatjöldin
og hve mörg þeirra voru þú.