Goðasteinn - 01.09.1996, Qupperneq 126

Goðasteinn 1996
Dómadalsleið. Yfirleitt náum við
hestamönnunum við Valahnjúka. Þar er
áð og menn og hestar fá sér eitthvað í
svanginn. Við erum með kaffi og með-
læti sem vel er þegið. Einnig hey handa
hestunum. Afram er haldið og næsti
áfangastaður er við Landmannahelli.
Þar er hús, bæði fyrir menn og hesta.
Þeir hestar sem ekki eiga að fara austur
í Laugar eru settir inn. Þeir eiga að bíða
þar til þeirra tími kemur. Þarna er
stansað góða stund. Menn og hestar
hvíla lúin bein, fá sér í svanginn og slá
á létta strengi. Menn eru nú einu sinni
komnir inn á fjall og margir hafa
hlakkað til þess lengi. En áfram skal
haldið og áfangastaðurinn er Land-
mannalaugar.
Olgeir og ráðskonurnar fara nú á
undan með allan farangurinn. Það er
frábært að koma inn í Laugar þar sem
íslenski fáninn blaktir við hún og
skálaverðirnir taka okkur opnum
örmum. Við hefjumst strax handa við
að afferma bíl og kerru. Einnig þurfum
við nú að elda kvöldmatinn. Hann þarf
að vera tilbúinn þegar fólkið kemur
með hestana og einnig koma margir
fjallmenn úr byggð og þeim þykir gott
að fá heitan mat. Stundum hefur matar-
tíminn þetta fyrsta kvöld staðið frá
klukkan átta til ellefu.
Næsta morgun vöknum við klukkan
sex til að undirbúa morgunverð. Hann
er tilbúinn klukkan sjö þegar þeir
fyrstu fara á fætur. Síðan þarf að finna
til nesti til dagsins því að fæstir koma
aftur fyrr en í kvöldmat. Nestinu þarf
að skipta í tvo til þrjá hluta, eftir því
hvað fjallkóngur ætlar að skipta mönn-
um í marga hópa. Og nóg þarf að vera
af kaffinu. Þegar fjallmenn eru farnir af
stað í leitir hefjast ráðskonur handa við
að þvo upp og ganga frá eftir morgun-
matinn. Síðan þarf að taka heilmikið
til. Við búum um rúmin og sópum gólf.
Því næst þarf að smyrja nesti til næsta
dags og er það nokkur vinna.
Oft er gestkvæmt hjá okkur í Laug-
unum því mörgum þykir gaman að
skreppa og heilsa upp á fjallmenn. Það
er einhver ævintýraljómi yfir fjall-
ferðum, enda er nú svo komið að laug-
ardag og sunnudag hafa oft verið um
og yfir 40 manns í fæði hjá okkur.
Undirbúningur fyrir kvöldmatinn
hefst von bráðar. Hann þarf að vera
tilbúinn klukkan sjö; þó vitum við
aldrei nákvæmlega hvenær leitarmenn
birtast, og það er alveg víst að þeir
koma ekki allir í einu. En oftast erum
við þó búnar að ganga frá klukkan tíu
til hálf ellefu.
Þess skal getið að á mánudegi er
flutt frá Landmannalaugum að Land-
mannahelli og þar eru bækistöðvar þar
til fjallferð lýkur á fimmtudag.
Árið 1991 vöknuðum við á þriðju-
dagsmorgni við stórhríð. Kominn var
mikill snjór og vart fært á milli húsa.
Ekki var annað að gera en bíða átekta
því í svona veðri þýðir ekki að reyna
að smala. Við ráðskonurnar sáum um
morgunmatinn eins og vant var og nú
kom sér vel að hlýtt var í húsinu. Ekki
var viðlit að reyna að smala svo nú var
ekki annað að gera en reyna að láta sér
líða vel. Tóku sumir í spil en aðrir ortu
-124-