Goðasteinn - 01.09.2005, Blaðsíða 185

Goðasteinn 2005
Látnir 2004
félagslega sinnaður og annaðist sitt hlutskipti af stakri reglusemi og natni. Hann
passaði upp á að búið yrði ekki stærra en svo að hann næði að fylgjast með hverri
skepnu og sjá til að öllu yrði sem best borgið. Hann fylgdist með kúnum sem allar
höfðu sín nöfn og sinn dálk í bókhaldinu. Gimbrunum gaf hann nöfn og kallaði
ærnar sínum nöfnum þó fleiri væru en tvö hundruð. Hann var iðinn við að finna
nöfn sem hæfðu hverri kind og kom þekking hans á íslenskri tungu þar að góðum
notum. Ekki má svo gleyma hestunum sem Stefán hafði yndi af. Hinn þarfi þjónn
var í huga hans bæði fagur og nytsamur.
Ætíð vildi Stefán vera sjálfbjarga og bar gæfu til þess nálega til hinstu stundar.
Smám saman breyttust aðstæður og búskapur minnkaði, að lokum nánast aðeins
til dægrastyttingar nokkrar ær á fóðrum. Stefán og Fanney fóru að huga að
breytingum og nú s.l. haust skrifuðu hjónin undir samning varðandi byggingu
íbúðar í parhúsi á Hellu. Höfðu þau þó áður í kringum 1980 byggt sér nýtt
íbúðarhús á Berustöðum en nú var ákveðið að stíga skref út í nýjan veruleika,
nefnilega að flytja frá Berustöðum og til Hellu. Þar voru fyrir bræður og náin
skyldmenni.
Gera má sér í hugarlund að ákvörðunin kann að hafa reynt á þó skynsamleg
væri. Á Berustöðum var lífsverkið og þar átti Stefán sínar bestu hamingjustundir
með Fanneyju og dætrunum og seinna barnabömunum.
Örlögin urðu öðruvísi. í vor veiktist Stefán, hafði þá nýverið haldið upp á
áttræðisafmæli sitt með fjölskyldu sinni. Síðasta misserið ágerðust veikindin þó
góðir kaflar væru á milli. Þegar ári tók að halla var sýnt að ekki yrði við spornað
og leið nú að þeim vistaskiptum sem öllu mannlegu holdi er búið. Ferðin sú
hinsta var í aðsigi og í hana lagði Stefán á síðasta degi ársins 2004, hann andaðist
á hjúkrunar- og dvalarheimilinu Fundi þann 31. desember 2004.
Jarðarförin var í Kálfholti þann 8. janúar 2005.
Sr. Skírnir Garðarsson
/
Svanhvít Agústa Guðmundsdóttir
frá Lindarbæ
Svanhvít var löngum kennd við Findarbæ í Vet-
leifsholtshverfi, enda voru öll hennar fullorðinsár
tengd þeim bæ órofaböndum. Hún réð sig þangað í
vist á fjórða tug tuttugustu aldarinnar og dvaldi þar æ
síðan, fyrsta kastið sem vinnukona, seinna ráðskona
bræðranna Ólafs og Þórðar Ólafssona.
Ekki var Svanhvít margorð um æsku sína og
unglingsár. Hún var fædd þann 4. ágúst 1912 í
Reykjavík en foreldrarnir hennar gátu ekki annast
-183-