Bændablaðið - 27.06.2024, Blaðsíða 55

55Líf & starfBændablaðið | Fimmtudagur 27. júní 2024
Bóndinn:
Góð samvinna gulls ígildi
Þau Eyjólfur Ingvi Bjarnason og Guðbjört Lóa Þorgríms-
dóttir tóku við búinu Ásgarði í Hvammssveit árið 2017
en Eyjólfur er uppalinn í Ásgarði og hefur verið
viðriðinn búskapinn frá því hann var barn. Eyjólfur
er 8. kynslóð sömu ættar sem býr á jörðinni frá árinu
1810. Lóa er alin upp á Erpsstöðum í Miðdölum og
þegar þau fóru að skjóta sig saman var það alltaf
stefnan að fara í búskap saman.
Býli, staðsetning og stærð jarðar? Ásgarður í Hvamms-
sveit (táin á stígvélinu). Jörðin er um 2500 ha, mest fjalllendi
en ræktað land er 44 ha.
Ábúendur, fjölskyldustærð (og gæludýra)? Við erum sjö
manns sem búum hér og hundurinn Gosi. Eyjólfur og Lóa
ásamt dætrum, Eydís Helga (6 ára), Erna Diljá (5 ára) og
Salbjörg Magna (7 mánaða). Foreldrar Eyjólfs búa í „ömmu
og afa“ húsi á jörðinni.
Gerð bús og fjöldi búfjár? Við erum fyrst og fremst með
sauðfjárbú með tæplega 400 kindur á fóðrun. Síðan erum
við dugleg að fá hugmyndir og prufa alls konar með. Árið
2021 gerðum við samning um skógrækt og höfum verið
að planta trjám núna á hverju ári, mismikið milli ára. 2022
prufuðum við útiræktun á grænmeti og höfum verið að bæta
í núna á hverju ári, bæði tegundir og magn. Keyptum okkur
útplöntunarvél í vor og stefnan er að auka framleiðsluna. Á
bænum eru síðan nokkrar hænur og 20 hestar.
Hvers vegna veljið þið þessa búgrein? Hér hefur alltaf
verið sauðfé auk þess sem Eyjólfur er líka forfallinn
sauðfjárræktarmaður og var líklega kind í fyrra lífi! Hann
man ættir kindanna margar kynslóðir aftur. Við veljum
okkur að búa hér og vera með þessar búgreinar því okkur
líkar það. En við ætlum líka að sníða stakk eftir vexti og
aðlaga búskapinn að okkur og fjölskyldunni. Lóa vinnur í
Auðarskóla í Búðardal og Eyjólfur hjá RML. Við sinnum
bæði vinnu utan bús og því þurfa öll tannhjól að vinna saman
svo allt gangi vel.
Hvernig gengur hefðbundinn vinnudagur fyrir sig á
bænum? Hefðbundinn vinnudagur er breytilegur eftir
árstíma eins og hjá flestum bændum. Þannig hefðbundinn
vinnudagur tekur svolítið mið af því sem er efst á baugi á
hverri árstíð samhliða störfum utan bús. En dagarnir geta
sumir hverjir orðið langir.
Skemmtilegustu/leiðinlegustu bústörfin?Ætli það
sé ekki bara það sama og hjá öllum öðrum – skemmtilegt
þegar vel gengur og eins þegar öll fjölskyldan er saman að
störfum. Aftur á móti er leiðinlegt þegar illa gengur, tæki bila
og ekki hægt að gera það sem átti að gera á því augnabliki.
En við erum ólík þannig að það sem Eyjólfi finnst leiðinlegt
finnst Lóu skemmtilegt, s.s. grjóttínsla. Eyjólfur er aftur á
móti á heimavelli að spá í gripi og búrekstrartengda þætti
sem Lóu finnst minna skemmtilegt. En þannig vinnast líka
verkin vel þegar hægt er að vera í sitthvoru verkefninu og
afkasta að við teljum bara ágætlega.
Hvað er það jákvæða við að vera bóndi? Það er gaman að
búa í sveit og vera í tengslum við náttúruna alla daga ársins
– það er líka gaman að sjá börnin sín vaxa og dafna í því
frelsi sem búseta í dreifbýli býður upp á. Eins er gaman að
sjá árangur erfiðis raungerast þegar við prófuðum útiræktun
í fyrsta skipti. Þannig má sjá með eigin augum að maður
uppsker eins og maður sáir.
Hverjar eru áskoranirnar? Það eru alltaf einhver áskoranir
eins og í öllu lífinu bara, við getum víst ekki stjórnað öllu og
stundum eru það einhverjir ytri þættir eins og veðurfar og
stýrivextir sem hafa áhrif á búskapinn. Einnig er tíminn mikil
áskorun þar sem það eru fjölmörg verkefni sem þarf að vinna
og önnur sem okkur langar að vinna. En klukkustundirnar
eru víst aðeins 24 í hverjum sólarhring.
Hvernig væri hægt er gera búskapinn ykkar hagkvæmari?
Það eru fjölmörg tækifæri sem gætu gert búskapinn
hagkvæmari – t.d. með aukinni framleiðslu. En mottóið okkar
er að reyna að hafa störfin skemmtileg og viðráðanleg í stað
þess að verkin verði kvöð og óyfirstígableg í framkvæmd.
Hvernig sjáið þið landbúnað á Íslandi þróast næstu árin?
Það eru ótal tækifæri í íslenskum landbúnaði og margt sem
við getum gert vel hér á landi. Forsenda þess að það raungerist
er að tekjugrunnur landbúnaðar sé réttur og rekstrarhæfi
til lengri tíma tryggt. Við teljum að það verði aukning í
framleiðslu á grænmeti á Íslandi og mögulega hægt að tryggja
íslenskt grænmeti í búðum allt árið.
Eftirminnilegasta atvikið við bústörfin? Það er þetta
með „gullfiskaminnið“ – þau eru alveg nokkur eftir-
minnilegu atvikin og þykir okkur vænst um samveru-
stundirnar með fjölskyldum og vinum þegar þau koma og
aðstoða á háannatímum. Við höfum haft nokkra erlenda
verknámsnema síðustu ár. Það er mjög eftirminnilegt þegar
einn þeirra í smalamennsku stökk á eftir kind út í á því hún
átti ekki að sleppa og varð gegnvotur. Daginn eftir skildi hann
ekkert í því af hverju gutlaði í stígvélunum hans.
Bændurnir í Ásgarði taka yfir Instagram Bændablaðsins
næstu tvær vikurnar.
Þau Eyjólfur og Lóa hafa á undanförnum tveimur árum verið að færa sig yfir í grænmetisræktun og skógrækt samhliða
fjárbúskapnum. Myndir / Aðsendar
Fylgist með lífi bænda
á samfélagsmiðlum
Bændablaðsins

Við byggjum á áralangri reynslu á því sviði.
Björgvin Guðjónsson, búfræðingur og löggiltur
fasteignasali, s. 510-3500 eða 615-1020,
bjorgvin@eignatorg.is
E i g n a t o r g b ý ð u r s é r h æ f ð a þ j ó n u s t u
v i ð v e r ð m ö t o g s ö l u á b ú j ö r ð u m
o g ö ð r u l a n d i , m e ð e ð a á n r e k s t r a r.
Ökuskóli allra landsmanna
Upplýsingar og skráning
inn á www.aktu.is
Verkleg kennsla í Reykjavík,
Akureyri og Sauðárkróki
11. júlí
26. sept.
22. ágúst
Næstu námskeið
MEIRAPRÓF
Næsta námskeið 11. JÚLÍ
Fjarkennsla
Lögfræðiþjónustan ehf., áður Eco&LawConsult ehf.,
er flutt að Hallgerðargötu 13, 3ju hæð, 105 Reykjavík
Veitum einstaklingum og fyrirtækjum alhliða
lögfræðiþjónustu. Einnig á Vestfjörðum
og Suðurlandi. Fyrsti tími að kostnaðarlausu.
Barnaverndarmál, forsjármál, hjónaskilnaðarmál,
sambúðarslit, kaupmálar, erfðaskrár,
seta í óskiptu búi og erfðaskrár.
Skaðabótaréttur og réttarstaða ýmissa aðila
vegna fiskeldis.
Stofnun og slit fyrirtækja.
Tímapantanir nauðsynlegar í síma 777-5729
eða á netfangi: thuridurhalldorsdottir@gmail.com
Þuríður Kristín Halldórsdóttir
Lögmaður
Fjölskyldan á góðri stund. Á myndina vantar yngsta krílið,
hana Salbjörgu Mögnu. Mynd / Steinunn Þorvaldsdóttir
Það er í ýmsu að snúast á Ásgarði og næsta víst að systurnar Eydís Helga og Erna Diljá verða aldrei verkefnalausar.
Á bænum er ræktað blómkál, spergilkál, hvítkál og gulrófur sem seld eru beint frá býli.